• Йеңилиқлар
  • 28 Қыркүйек, 2017

Телефон арқилиқ сөзләшти

Нурсултан Назарбаев Россия Федерациясиниң Президенти Владимир Путин билән телефон арқилиқ сөзләшти. Сөһбәт давамида президентлар иккитәрәплимә һәмкарлиқниң һазирқи әһвали вә истиқбалини, шундақла муһим регионлуқ һәм хәлиқара мәсилиләрни муһакимә қилди.  Россия Президенти Қазақстан Президентини бийил 14-15-сентябрьдә Астанада Сирия бойичә алтинчи Хәлиқара учришишниң утуқлуқ өткүзүлүши билән тәбриклиди. Владимир Путин шундақла Нурсултан Назарбаевниң Россия Федерациясиниң Сириядики тоқунушни биртәрәп қилиш үчүн күч чиқириватқанлиғини, Астана җәриянини давамлаштурушниң муһим екәнлигини алаһидә тәкитлиди. Униңдин ташқири Президентлар, Евразия Алий ихтисадий кеңишиниң вә МДҺ Дөләт рәһбәрлири кеңишиниң мәҗлислиригә тәйярлиқ көрүшни қошуп һесаплиғанда, алдики учришишларниң графигини қарап чиқти. Икки мәмликәт рәһбири иккитәрәплимә өзара һәмкарлиқ мәсилилириниң барлиқ йөнилишлири бойичә турақлиқ диалогни давамлаштурушқа келишти. Сөһбәт Россия тәрәпниң тәшәббуси билән өткүзүлди. Тәбрик телеграммисини йоллиди Нурсултан Назарбаев Германия Федерал канцлери Ангела Меркельға тәбрик телеграммисини әвәтти. Дөләт рәһбири Ангела Меркельни Христиан-демократик иттипақиниң Германия Бундестагиниң сайлимида ғалип чиқиши билән тәбриклиди. Нурсултан Назарбаев болуп өткән сайлам нәтиҗилириниң Германия гражданлириниң Федерал канцлер жүргүзүватқан иҗтимаий-ихтисадий сәясәтни қоллап-қувәтләватқанлиғиниң ярқин испати екәнлигини тәкитлиди. «25 жилда Қазақстан вә Германия оттурисидики достлуқ мунасивәтләр жуқури дәриҗигә көтирилди. Сизниң мәмликәтлиримизниң йеқинлишишиға тәсир қилған бирләшкән лайиһиләрни утуқлуқ әмәлгә ашурушқа бебаһа һәссә қошуватқанлиғиңизни тәкитлигүм келиду», дейилиду телеграммида. Ахирида Дөләт рәһбири Ангела Меркельға утуқ-муваппәқийәт, достанә Германия хәлқигә гүллиниш-паравәнлик тилиди. Тәзийә телеграммисини әвәтти Нурсултан Назарбаев Узақбай Қарамановниң вапат болуши мунасивитигә бағлиқ мәрһумниң уруқ-туққанлири билән йеқинлириға тәзийә телеграммисини әвәтти. Телеграммида Дөләт рәһбириниң көрнәклик дөләт вә җәмийәт әрбаби Узақбай Қарамановниң вапати тоғрилиқ хәвәрни чоңқур қайғуруп қобул қилғанлиғи тәкитлиниду. «Узақбай Қараман оғли пүткүл һаятида хәлиқ вә ана йәрниң гүллиниши үчүн әмгәк қилди. Өзиниң әҗайип тәшкилий қабилийити вә җәмийәттики аброй-инавити түпәйли нурғунлиған жуқури дөләт лавазимлирини егилиди вә өзигә жүкләнгән вәзипиләрни һәрдайим шәрәплик орунлиди», дейилиду телеграммида. Нурсултан Назарбаев қазақстанлиқларниң униң мәмликәт алдидики хизмитини унтумайдиғанлиғини тәкитлиди.

160 рет

көрсетілді

0

пікір
Алдыңғы мақала Миллий комиссия әзалири баш қошти
Келесі мақала Университет президентини қобул қилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы