• Концерт
• 05 Қазан, 2017

«Лондон уйғур ансамбли» Әлишер Наваийниң әсәрлирини тонуштурди

Йеқинда Англиядики «Лондон уйғур ансамбли» Лондон шәһиридә мәхсус концерт қоюп, ХV әсирдики түркий хәлиқләр әдәбиятиниң даңлиқ вәкили, уйғур классик шаири, дөләт әрбаби Әлишер Наваийни тонуштурди. Ансамбльниң илгәрки концертлири пәқәт уйғур хәлиқ нахшилиридин тәркип тапқан болса, бу қетим уйғур, өзбәк вә иранлиқлар бирликтә Әлишер Наваийниң әсәрлирини уйғурчә һәм инглиз тилидики тәрҗимиси билән намайиш қилди. Мәлумки, Әлишер Наваийниң шеирлири әсирләр давамида уйғур, өзбәк вә иран хәлиқлириниң муқам мәтинлиридә оқулуп кәлмәктә. «Чегара атлиған мәдәнийәт вә музыка» намлиқ бу паалийәтни уюштурған Лондон университети Азия-Африка вә Шәриқшунаслиқ институтиниң оқутқучиси Рачел ханимниң ейтишичә, мәзкүр чарә-тәдбирни Лондондики Азия хәлиқлири, болупму иранлиқлар алаһидә зоқлиниш билән тамашә қилди. Әң муһими, Англиядики хәлиқ аммиси билән мунасивәт қилиш үчүн яхши минбәр болди. www.rfa.org