• Дидар ғенимәт
• 19 Қазан, 2017

Бар болуңлар, савақдашлар

Һаят чақпеләк кәби айлинип, жиллар бир-бирини қоғлап, бийил биз, синипдашларниң, ана мәктивимиз билән хошлашқинимизға 50 жил бопту. «Әллик жилда әл йеңи» демәкчи, һәқиқәтәнму һаят синиғида қеқилип-соқулуп, билим елип, әмгәк қойнида аилә қуруп, бала-чақа қучуп, нәврә сөйүп «йеңилиниптимиз».Йеқинда бизму көпчилик қатарида 50 жиллиқ учришиш өткүзүп, дәсләп әҗәл қучқан қәдирданлиримиз билән устазлиримиз роһиға қуръан тилавәт қилдуқ. Бу учришишниң алаһидилиги зор болди. Чүнки биз оқуған жиллири кичик йезиларда толуқ оттура мәктәпләр болмайдиған. Жуқарқи синипларға көчкәндә чоң йезиларға қатнап билим алаттуқ. Шуңлашқа биз, Долата, Кичик Ақсу йезисиниң қиз-жигитлири, оқуғучилиқ дәвримизниң ахирқи жиллирида Чоң Ақсу оттура мәктивидә билим алдуқ. Учришиш давамида сепимизниң толиму шалаңлишип кәткинигә ичимиз көйүп, көзүмизгә яш алсақ, бәңваш балилиқ дәмләрни әсләп, пуғанимиз қанғичә күлүп, өтмүштә қалған жилларни хиялән чарлидуқ. Қамчиниң сепидәк қисқа бу һаятта 11 жил мабайнида бир аилиниң балилиридәк өскән савақдашларниң қәдригә вақит өткәнсири йетидекәнсән. Биз буни  шу дидар ғенимәт дәмлирини баштин өткүзгәндә ениқ байқидуқ. Учришиш ахирида, Алла таала несип қилса,  55 — 60 жиллиқ учришишларда сепимиз азаймай, баш қошсақ дегән нийәтләр билән хошлаштуқ. Илаһим, шундақ болғай. Селимәм АЗАТОВА. Уйғур наһийәси.