• Әхбаратлар еқими
• 19 Қазан, 2017

Президент йеза әмгәкчилирини тәбриклиди

Һөрмәтлик йеза әмгәкчилири! Ома мәвсүми – деханлар үчүнла әмәс, пүткүл дөлитимиз үчүн муһим мәвсүмләрниң бири. Ома нәтиҗилири дөлитимиздики озуқ-түлүк бехәтәрлик дәриҗисини вә җәмийәттики иҗтимаий-ихтисадий турақлиқни көрситиду. Силәрниң маңлай тәриңлар түпәйли Қазақстан өзиниң йетәкчи ашлиқ держависи екәнлигини йәнә бир қетим дәлиллиди. 21 миллион тоннидин ошуқ ашлиқ жиғилди. Шуниң  үчтин иккисидин көпирәги дуниявий стандартларға мувапиқ келидиған жуқури сүпәтлик мәһсулат. Майлиқ зираәтләр өстүрүлидиған етизлар мәйдани көпәйди. Умумән, ома мәвсүминиң нәтиҗиси елимизниң агросанаәт комплексиниң ихтидариниң зор екәнлигини көрситиватиду. Бүгүнки таңда дөләт йеза егилиги саһасини системилиқ рәвиштә йүксәлдүрүшкә беғишланған сәясәт жүргүзмәктә. Биз хәлқимизниң паравәнлигини ашуруш йолидики йеза әмгәкчилириниң әмгигини жуқури баһалаймиз. Силәрниң ома мәвсүминиң утуқлуқ аяқлишиши билән тәбрикләймән! Һәммиңларға зор саламәтлик вә Вәтинимизни гүлләндүрүш йолида чоң утуқлар тиләймән!