- Концерт
- 02 Қараша, 2017
«Бәхитлик күз»
Мошу дүшәнбә күни Талғир наһийәсиниң Туздыбастав йезисидики Мәдәнийәт өйидә балетмейстр Зарина Нуриеваниң рәһбәрлигидики «FІESTA» шоу-балетиниң концерти болуп өтти. «Бәхитлик күз» дәп аталған мәзкүр концерт җәриянида сәнъәткә иштияқ бағлиған оттузға йеқин оғул-қиз йеқимлиқ нахша вә әвришим уссуллирини иҗра қилип, тамашибин қәлбигә арамбәхш дәмләрни һәдийә қилди.
Көплигән яш талантларниң бешини қошуп, уларниң чоң сәһниләрдә һүнәр көрситишигә түрткә болуп келиватқан «Пәрваз» иҗрачилар бирләшмиси, «TOMІK productіon» студияси вә Қазақстан Уйғур Яшлири Бирлиги әзалириниң йеқиндин яр-йөләк болушида өткән ушбу концертни һәммә җәһәттин тамашибин көңлидин чиқти дәп ейтишқа толуқ асас бар.
Концерт тамамланғандин кейин сөз новитини алған Зарина Нуриева барлиқ қоллап-қувәтлигүчиләргә чәксиз миннәтдарлиғини изһар қилди.
Гүлбостан БАСИТОВА. Алмута шәһири.
502 рет
көрсетілді0
пікір