• Әхбаратлар еқими
  • 02 Қараша, 2017

Тазилиқ — саламәтлик капалити

Мәлумки, тазилиққа риайә қилинмиған җайда һәрхил ағриқ-силақлар пәйда болиду. Бу һәққидә мутәхәссисләр тәрипидин дайим агаһландурулуватсиму, биз униңға анчә етивар берип кәтмәймиз. Һазир яш әвлат вәкиллирини, умумән, һәммә адәмләрни тазилиққа, йәни улар өзлири оқуватқан яки ишләватқан билим дәргаһлири билән мәһкимиләр әтрапини жилниң қайси пәслидә болсун таза тутушқа үгитиш вә бу ишта паалийәтчанлиқ көрситиш бойичә нурғунлиған ишлар әмәлгә ашурулуватиду. Шу түпәйли һазирқи вақитта мәйли шәһәр болсун яки йеза-кәнтләр болсун, иҗтимаий объектлар территориялиридики пакизлиқни көрүп, көңлиңиз хуш болуп қалиду. Демәк, бу йөнилиштә жүргүзүлүватқан ишлар әнъәнигә айлинип, келәчәктә техиму җанлиниду дегән сөз. Тәкитләш лазимки, тазилиқни өз өйүмиздин башлиғинимиз әвзәл. Чүнки «Қуш угисида немә көрсә, учқанда шуни қилиду» демәкчи, пәрзәнтлиримиз өйдә тазилиққа қайси дәриҗидә көңүл бөлидекән, кейин мәктәп босуғисини атлиғанда, униңға шу қәдәр риайә қилиду. Мәсилән, уларниң сәрәмҗанлиғи билән тазилиқ бойичә көргән тәрбийисини 1-синиптила дәптәр-китавини қандақ тутиду, кийим-кечигини қанчилик дәриҗидә пакиз тутиду һәм башқилар билән болған муамилисидинла ениқ байқавалғили болиду. Шуңлашқа ата-аниларниң бала тәрбийисидә бу тәрәплиригиму алаһидә әһмийәт бәргини тоғра. Мошу күнләрдә иҗтимаий объектлар территориялирини тазилаш бойичә Алмута шәһиридә «Биз таза шәһәр үчүн» шиари астида көплигән шәнбиликләр өткүзүлүватиду. Шуларниң қатарида йеқинда 101-мәктәп-гимназия устазлири билән техникилиқ хадимлар, ата-анилар вә 7-11-синип оқуғучилири мәктәп территориясини тазилап чиқти. Улар мәктәп әтрапидики чога-чатқаллар билән әхләтләрни жиғип, мәхсус машинилар билән сиртқа чиқарди. Умумшәһәр бойичә өткән шәнбилик даирисидә уюштурулған тазилиқ ишлири нәтиҗисидә мәктивимиз территорияси пакиз болупла қалмай, коллективимиз бу күнни хуш-чақчақлар билән хошал-хорам өткүзди. Шаһадәт МЕҖИТОВА, башланғуч синип муәллими. Алмута шәһири.

464 рет

көрсетілді

0

пікір
Алдыңғы мақала Меморандум имзаланди
Келесі мақала Маңа – тамашә, силәргә – Қуръан

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *