• Йеңилиқлар
  • 16 Қараша, 2017

ЭКСПО ишигини қайта ачти

ЭКСПО-2017 көргәзмисиниң иккинчи нәпәси ечилди. Үч ай язда инновациялик техника вә йеңилиқниң мәйданиға айланған хәлиқара ихтисаслаштурулған көргәзмә әнди туристлиқ мәйданға айланди. Мошуниңға беғишланған тәнтәнидә «Астана ЭКСПО-2017» миллий компанияси» акционерлиқ җәмийитиниң башқарма рәиси Ахметжан Есимов өз нутқида келәчәктә қолға елинидиған чарә-тәдбирләр һәққидә ейтип бәрди. Йеңи жилдин башлап ЭКСПО-2017 шәһәрчисидә павильонларда мурәккәп җөндәш ишлири жүргүзүлиду. «С-3», «С-4» павильонлирида «Астана» хәлиқара малийә мәркизи орунлишиду. «С-1» павильонида билим бериш мәркизи қурулиду. А.Есимовниң тәкитлишичә, бу мәркәзниң асасий идеяси — келәчәк мутәхәссисләрниң мүмкинчиликлири вә истиқбалини ениқлаш вә тәрәққий әткүзүш болмақ. «С-2» павильонида болса, көргәзмә комплекси орунлишиду. Бу йәрдә хәлиқара вә вәтәнлик көргәзмиләр уюштурулиду. Тәнтәнидә сөз алған Астана шәһириниң һакими Әсет Исекешев хәлиқара көргәзмидин кейин пайтәхтниң қандақ өзгәргәнлигини ейтип бәрди. «ЭКСПО-2017» көргәзмисиниң стратегиялик лайиһиси түпәйли Астана шәһири техиму аватлашти. Хәлиқара көргәзмә елимизниң «йешил» технологияләргә алаһидә қизиққанлиғини көрсәтти. Қазақстан Евразиялик регионда бехәтәр һәм тез тәрәққий етиватқан дөләт сүпитидә имиджини яхшилиди. Әнди Астана елимизниң бизнес вә малийә мәркизигә айлиниду», деди Астана һакими.

312 рет

көрсетілді

0

пікір
Алдыңғы мақала Регионларара һәмкарлиқниң истиқбали зор
Келесі мақала Аләмшумул мәсилиләр Астана клубида муһакимә қилинди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы