- «Уйғур авазиниң» сәйилгаһи
- 23 Қараша, 2017
16 яшлиқ даваз рекорд яратти
Долан дияридин чиққан төртинчи әвлат даваз вариси Адилҗан Ясин Қәшқәр вилайити Мәкит наһийәсигә қарашлиқ Түмәнтал йезисида циркчилар аилисидә туғулған. Кичигидинла симда меңишқа һәвәс бағлиған у 2003-жили икки йерим йешида Беҗинда өткүзүлгән давазлар мусабиқисигә иштрак қилип, «Дуниядики әң кичик даваз» намиға еришкән. Шу жили Мәркизий телевизия станцияси уюштурған «Җәң елан қилишни халамсиз?» программисиға қатнишип, «Полат симда меңиш түридики әң кичик даваз» аталған. 2004 — 2006-жиллири мәмликәтниң Беҗин, Хенән, Шенжен шәһәрлиридә өткүзүлгән мусабиқиләрдиму биринчиликни бәрмигән.
Адилҗан җапалиқ мәшиқ, тинимсиз тиришчанлиқ нәтиҗисидә йеқинда давазлиқниң сим үстидә яшаш түри бойичә дуния рекордиға җәң елан қилди. Мәзкүр синақ униңдин һәддидин ташқири бәрдашлиқни, җисманий күчни һәм сунмас ирадини тәләп қилатти. Бу қетимқи сим үстидә яшаш вақти — 80 күн. Сим 13 метр егизликтә, узунлуғи 56 метр. Бу җәриянниң очуқ һәм адил болуши үчүн мәйданға Бөрчин наһийәлик гувалиқ бериш ишханиси алаһидә тәклип қилинған.
www.kagsay.com
184 рет
көрсетілді0
пікір