• Һасан-һүсән
  • 25 Желтоқсан, 2017

Елимиз — достлуқ макани

«Қанатсиз — қуш, Вәтәнсиз – инсан болмайду» дегинидәк, һәрбир инсанниң туғулуп өскән жути, ана вәтини болиду. Мениң Вәтиним — Қазақстан. Қазақстан мустәқил дөләт сүпитидә дунияға тонулди. Вәтинимизниң мустәқиллигини дәлилләйдиған Байриғи, хәлқиниң вәтәнгә болған муһәббитини көрситидиған Гимни, бирлик билән достлуқни ипадиләйдиған Герби бар. Бүгүнки күндә мустәқил Қазақстанда 130дин ошуқ милләт вәкили бир аилиниң балилиридәк иҗил-инақ яшап кәлмәктә. Елимиз Президенти Нурсултан Әбиш оғли Назарбаев, Қазақстанда истиқамәт қиливатқан һәрбир милләткә алаһидә көңүл бөлүп, бар мүмкинчиликләрни яритип бериватиду. Биз мошу яритиливатқан имканийәтләрдин тоғра пайдилинишни билишимиз керәк. «Инақ әлдә бәрикәт бар», дәйду хәлиқ даналиғида. Әйнә шу инақлиқниң, бирликниң нәтиҗисидә Қазақстан күндин-күнгә гүллинип, егиз чоққилардин көрүнүп кәлмәктә. Милләт бирлиги – дөләтниң байлиғи, течлиқниң асасий тириги болуп һесаплиниду. Қазақстанда яшаватқан милләтләрниң тили, дини башқа болғини билән, дили бир. Өз дөлитиниң мустәқиллигини қәдирләш, елиниң бирлигини асраш, милләтләрара достлуқни һәм разимәнликни һөрмәтләш, бүгүнки яш әвлатниң, йәни бизниң муқәддәс борчимиздур. Мән уйғур хәлқиниң аддий бир қизи, мустәқил Қазақстанда әркин, паравән һаят кәчүрүп, өзәмниң ана тилимда билим еливатимән. Буниңдин ошуқ бәхит болмиса керәк. «Әл бәрикити — бирликтә», дегән улуқ әҗдатлиримиз. Шундақ екән, Қазақстанда яшаватқан барчә милләт вәкиллири бир яқидин — баш, бир йәңдин қол чиқирип әмгәк қилип, достлуқ риштилиримизни техиму күчәйтсәк, елимизниң йәниму егиз чоққилардин көрүнидиғини муқәррәр. Илаһим, мустәқил елимиздә яшаватқан барчә хәлиқләрниң достлуғи чинар кәби мустәһкәм болғай! Аминәм ТУРСУНОВА, Кичик Ақсу йезисидики оттура мәктәпниң 10-синип оқуғучиси.

84 рет

көрсетілді

0

пікір
Алдыңғы мақала Шохлуқниң түви — хорлуқ
Келесі мақала Филворд

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *