• Мәнавият
  • 25 Желтоқсан, 2017

«Иҗаткарға» бир жил

«...Иҗаткар» – бир күндила тәсадипи барлиққа кәлмиди. Биз, бир топ пикирдашлар, узақ вақит бәс-муназириләрдин кейин, хәлқимизгә әйнә шундақ қәрәллик әдәбий-бәдиий, илмий-аммибап нәширниң һаҗәтлигигә көз йәткүздуқ. Барғансири ана тилни унтушқа башлиған әвладимизни ушбу милләтниң жүтүп кетишигә апиридиған хәтәрлик йолдин сақлап қелишқа қилчә болсиму һәссә қошушни нийәт қилдуқ...». «Үгдигән қәлбләрни йорутушни» нишан қилған «Иҗаткар» журналиниң төртинчи сани йоруқ көрүп, оқурмәнләр билән дидарлишиватқиниға бир жил толупту. Бүйүк намайәндимиз Абдуреһим Өткүр тәрипидин қоюлған «Биз пәқәт нәй-нәйгила яралған хәлиқму? Қени бизниң әдәбиятқа, тарихқа, мәдәнийәткә варислиғимиз?» дегән соалларниң һеликәм күн тәртивидин чүшмигәнлигини, мәнивий дунияға болған көзқарашни өзгәртмигичә, риқабәт дуниясидики орнимизниң маһийити болмайдиғанлиғи һәққидә мулаһизилиридин тәһрират тәрипидин челинған тәшвиш қоңғуриғиниң авазини аңлайсиз. Бу санда дөләт вә җәмийәт әрбаби Абдулла Розибақиевниң вә бүйүк язғучи, мәшһур алим Мухтар Әвезовниң туғулғиниға 120 жил толуши мунасивити билән берилгән мақалиларни, Исмайил Саттаровниң шеирлирини, Қурван Тохтәмовниң һекайисини оқуп, бизгә мәнивий байлиқ қалдурған әҗдатларға апирин әйләйсиз. Дуниядин әтигән кәткән, өлүмгә қиймас хәлқимиз оғланлири Коммунар Талипов, Әнвәр Һаҗиев хатирисигә беғишланған Йолдаш Азаматов билән Шәмшидин Аюповниң мақалилири қәлбимизни яшлайду. «Саадәт териги» намлиқ һекайисини нәзәримизгә сунған ақсақилимиз Йәһия Тайиров камдидар болуп кәтсиму, һәргиз оқурмәнлирини унтумайдиғанлиғидин бешарәт бериду. Пешқәдәм журналист Йолдаш Азаматовниң шаир Җәмшит Розахунов билән болған сөһбитини оқуп, иҗадийәт дуниясидила әмәс, дөләт, маарип, егилик ишлиридиму қолтамғиси қалған иҗаткарниң шәхс сүпитидә шәкиллиниш җәрияниниң бизгә намәлум тәрәплиридин хәвәрдар болимиз. Абдухалиқ Махмудовниң повести язғучиниң өзигә хас стилини, маһаритини намайиш қилиду Мәзкүр санда Шинҗаң-Уйғур Автоном Районлуқ язғучилар җәмийитиниң әзаси Сидиқ Турсунниң һәҗвийиси, қазақ язғучиси, мәрһум Дидахмет Әшимханниң һекайиси билән биллә Рәхмәтҗан Ғоҗамбәрдиев, Һакимҗан Гүлиев вә Молутҗан Тохтахуновниң мақалилири берилгән. Бүгүнки күндә йезиниң миллийликниң бөшүги болуп қалғанлиғи һечким үчүн сир әмәс. «Иҗаткарда» бәрикәтлик жутларда истиқамәт қиливатқан, иҗатқа муһәббәт бағлиған, исми көпчиликкә һазирчә намәлум иҗаткарларниң әсәрлиригиму орун берилгән. Азнат ТАЛИПОВ.

119 рет

көрсетілді

0

пікір
Алдыңғы мақала Оқуғучилар мирасгаһни зиярәт қилди
Келесі мақала Шинҗаңдин 51 адәм тәвсийә қилинди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы