• Җәмийәтлик тәшкилатларда
  • 25 Желтоқсан, 2017

Йеңи мәркәз қурулди

Бәхтишат СОПИЕВ, «Уйғур авази»/ Өткән һәптидә Қарасай наһийәсидә истиқамәт қилидиған уйғур җамаәтчилиги Хәшкиләң шәһиридә баш қошуп, Қарасай наһийәлик Уйғур этномәдәнийәт мәркизини тәшкил қилип, униң рәисини сайлиди. Җамаәтчилик вәкиллири билән болған баш қошушни җумһурийәтлик Уйғур этномәдәнийәт мәркизи рәисиниң орунбасари, Қазақстан хәлқи Ассамблеясиниң әзаси, «Уйғур авази» гезитиниң баш муһәррири Ершат Әсмәтов ечип, қарасайлиқ уйғурларни җумһурийәтлик Уйғур этномәдәнийәт мәркизи тәрипидин әмәлгә ашурулуватқан ишлардин хәвәрдар қилди. Мәхсус тәклип қилинған меһманлар намидин сөз алған ҖУЭМ йенидики Нураний анилар кеңишиниң рәиси Гүлҗаһан Муратова, «Җанан» аяллар клубиниң рәиси Мизангүл Авамесимова өзлири рәһбәрлик қиливатқан кеңәш вә клубларниң йөнилишлири һәққидә ейтип бәрди. Андин новәт саһипханларға берилип, Қошмәмәт йезисиниң жигитбеши Мәһәмәтҗан Һашимов, Қарасай наһийәсидики уйғурларниң турмуш-тирикчилиги һәққидә әтраплиқ чүшәнчә бәрди. — Наһийәдики қериндашлиримизниң көпчилиги Қошмәмәт йезисида яшайду, — дәп сөзини давам қилди натиқ. — Йезимизда һәр мәйрәмдә бешимиз қошулуп туриду. Мундақ ейтқанда, һечқандақ проблема йоқ. Әнди наһийә даирисидә өткән мәрасимларда сәл тенәп-тәнтирәп қалидиған пәйтлиримиз бар. Бизниңму башқиларниң алдида өз һүнәрлиримизни көрсәткүмиз келиду. Қериндаш хәлиқләрниң бизниң бай мәдәнийитимизни көргини яхши әмәсму!? Демәкчи болғиним, бизниң наһийәгә уйғурларниң бешини қошидиған бир тәшкилат һавадәк һаҗәт. Жиғин қатнашқучилири жигитбешиниң бу тәкливини қоллап-қувәтлиди. Шундақ қилип, Қарасай наһийәлик Уйғур этномәдәнийәт мәркизи барлиққа кәлди вә униң рәислигигә «Айша озеление» ширкитиниң мудири Айшәм Норузова бир еғиздин сайланди.

977 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы