• Көргәзмә
• 25 Желтоқсан, 2017

Жуқури баһаға егә болди

Әнъәнә бойичә бийилму Қазақстан Рәссамлар иттипақиниң «Рәссам вақит еқимида» намлиқ һесават көргәзмиси уюштурулди. Рәссамларниң әмгәклири төрт басқучта, йәни мой қәләм, графика, һәйкәлтараш вә қолһүнәрвәнчилик сәнъити бойичә көргәзмигә қоюлди. Униңға йүз әлликкә йеқин иҗаткар қатнашти. Уларниң арисида бир топ уйғур рәссамлириму болди. Һәрбир йөнилиш бойичә йәкүн чиқирилип, бәдиий дәриҗиси жуқури ишләнгән әсәрләрниң муәллиплири ениқланди. Озуп чиққанлар Рәссамлар иттипақиниң А.Кастеев намидики «Үздік шығармашылығы үшін» алтун медали билән мукапатланди. Қолһүнәрвәнчилик сәнъити бойичә биринчи орунни Қазақстанниң хизмәт көрсәткән сәнъәт әрбаби Һашимҗан Қурбанов елишқа муйәссәр болди. Көргәзмигә униң май бояқ билән ишләнгән әсәрлири билән биллә безәлгән қапақлириму қоюлған еди. Әйнә шу әмгәклири жуқури баһаға егә болди. Тәкитләш лазимки, жилдин-жилға рәссамниң қапақларни безәш маһарити ешип, иҗадий әмгәклириниң бәдиийлиги жуқури сүпәткә егә болуватиду. Шундақла Һашимҗанниң иҗадий утуқлири була әмәс, 2015-жили Қазақ ханлиғиниң 550-жиллиғиға беғишланған көргәзмидә қапақлири иккинчи орунға егә болуп, Мәдәнийәт министрлигиниң Пәхрий ярлиғи вә маддий соғилар билән тәғдирләнгән еди. Һакимҗан ГҮЛИЕВ,  Мәдәнийәтшунаслиқ пәнлириниң намзити.