• Мубарәк болсун!
• 25 Желтоқсан, 2017

Уйғур композитори биринчи орунда

Йолдаш МОЛОТОВ, «Уйғур авази»/ Мустәқиллик күни мәйрими һарписида Астанада «Тәуелсіздік толғауы» җумһурийәтлик конкурсиниң йәкүни чиқирилди. Униңға кәспий композиторлар, җүмлидин тонулған композитор Һебибуллам Сетәковму қатнашти.– Мәзкүр конкурс бийил сәккизинчи қетим өтүватиду, – дәйду Һебибуллам Сетәков. – Конкурсқа пәқәт йеңи әсәрләр қатнишиду. Униң йәнә бир алаһидилиги, у «йепиқ конкурс» дәпму атилиду. Йәни жюри әзалириға әсәрләр икки конвертта тапшурулиду. Биринчи конвертта композитор әсәриниң нотиси вә дискиси тәвсийә қилиниду. Униңда муәллипниң исим-фамилияси көрситилмәйду. Жюри әзалири нотини көрүп, дисктики музыкини тиңшап болғандин кейин баһасини бериду. Ғалиплар ениқланғандин кейинла, композиторниң исим-фамилияси һәм сүрити бар конверт ечилиду. Демәк, конкурс адил вә демократик асаста өтиду. Тәкитләш лазимки, жюри әзалири тәркивидә атақлиқ композиторлар, дирижерлар болди. Конкурста Һебибуллам Сетәковниң «Мән һаят» музыкилиқ әсәри «Алаш Орда һәрикитиниң 100 жиллиғиға беғишланған Алаш әрбаплириниң әмгиги вә әрлигини көрситидиған чоң яки кичик әң яхши әсәр» номинацияси бойичә биринчи орунни егилиди. Биз Һебибуллам Зәйнуллам оғлини бу утуғи билән сәмимий тәбрикләп техиму чоң пәллиләрдин көрүнүшигә тиләкдашлиқ билдүримиз.