• «Уйғур авазиниң» сәйилгаһи
  • 11 Қаңтар, 2018

Бала вә күчүк

Бир деханниң ишти бирнәччини күчүклигәнликтин, у бу күчүкләрни сетиш үчүн һойлисиниң темиға елан чаплап қойиду. Дәл шу чағда бу йәргә бир оғул бала келип қалиду: — Таға, мән бир күчүк сетивалай дегән, — дәйду у. — Мақул, сетип берәй, — деди дехан бойнидики тәрлирини сүрткәч. — Бу күчүкләр шундақ омақ, нәслиму есил. Бала бешини төвән қилип, бираз ойлинидудә, янчуғидин бирмунчә парчә пулларни чиқирип, деханға тәңләп туруп мундақ дәйду: — Таға, мәндә бари-йоқи 39 цент баркән, алди билән күчүкләрни көрүп бақсам боламду? — Әлвәттә, болиду. Улар иштниң угиси тәрәпкә қарап маңиду. Угидин бир ишт мойлири жумран һәм пақирап туридиған төрт күчүкни әгәштүрүп чиқиду. Буни көрүп, балиниң көзлири хошаллиқтин чақнап кетиду. Күчүкләр читлақ тәрәпкә жүгрәп келиватқинида, бала иштниң угисида бир нәрсиниң мидирлаватқанлиғини байқайду. Хелә вақиттин кейин угидин йәнә бир күчүк чиқип келиду. Униң чуғи башқа күчүкләрдин хелила кичик еди. У кичиккинә янтулуққа кәлгәндә, тейилип жиқилиду һәмдә миң тәсликтә орнидин туруп, қериндашлири тәрәпкә қарап маңиду. — Таға, мән мошу күчүкни алай, — дәйду бала һелиқи чуғи кичик күчүкни көрситип. — Балам, бу күчүкни алмиғин, — дәйду дехан. — Униң пути аҗиз, у мәңгү башқа күчүкләрдәк тез жүгрәлмәйду. Бу сөзләрни аңлиған бала иңишип, иштининиң пушқиғини аста көтириду вә униң тенини көтирип турған металл тирәкни деханға көрситиду. Әслидә балиниң оң пути ялған пут еди. — Әнди чүшәнгәнсиз, таға. Мәнму тез жүгрәлмәймән. Бу күчүкму маңа охшашла башқиларниң меһир-муһәббитигә муһтаҗ — дәйду бала. kagsay.com

69 рет

көрсетілді

0

пікір
Алдыңғы мақала «Хәлиқара уйғур тәтқиқати» журналиниң новәттики сани
Келесі мақала Кесәл язғучи вә әма сазәндә

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *