• «Уйғур авазиниң» сәйилгаһи
  • 18 Қаңтар, 2018

Қонақ таамлири

Уйғурлар — тарихта хелә бурунла иптидаий турмуш адитидин қутулуп, анлиқ түрдә йемәкликләрни истимал қилишқа адәтләнгән милләтләрниң бири. Хәлқимиздә болупму қонақ таамлирини йейиш кәң умумлашқан.Қонақ, адәттә, «көмүқонақ» вә «аққонақ» дәп икки түргә бөлүниду. Көмүқонақниң ақ һәм сериқ түрлири бар. Көмүқонақниң тәбиити — соққа, ақ қонақниң тәбиити иссиққа майил. Һәр иккилисидин яғунчақ билән езип яки түгмәндә тартип чиқирилған ундин бирнәччә хил таам тәйярлашқа болиду. Қонақ ямиси, омаш, заң, йобдан, мунәк яки чура (гөш, сәвзә, бедә көки, кавиларни қийма қилип, қонақ хемирида етилидиған аш), яма қайнатмиси (қетиқ сүзмиси яки хемиртүргүч билән қонақ ямисида етилидиған аш) қатарлиқлар шулар җүмлисидиндур. Шундақла көмүқонақ унидин қонақнан (зағранан), көмәч (отқа көмүп пиширидиған нан), соқтакөмәч (қонақ хемириниң арисиға бедә көкини яки башқа хуручларни селип, тонур яки очаққа йеқип пишириду, уни “қонақ самсиси”, дәпму атайду) қатарлиқ нан түрлири пиширилиду. Қонақ пәқәт адәттики таам болупла қалмай, униң адәм саламәтлиги үчүнму пайдиси зор. Немис алимлири мәхсус тәтқиқат жүргүзүп, қонақниң озуқлуқ қиммитиниң буғдайниңкидин 5 — 10 һәссә жуқури екәнлигини ениқлиған. Шуниң билән биллә бу зираәт тәркивидә мол миқдарда адәм организминиң қеришиниң һәм мейә чекинишиниң алдини алидиған шипалиқ маддиларниң барлиғини испатлап чиққан. Һәқиқәтәнму қонақ токсинниң бәдәнгә қобул қилинишини азайтиду, қан бесими кесәллигиниң алдини алиду. Қонақни қайнитип яки дүмләп пиширип истимал қилса, оңай һәзим болиду. Бирақ ашқазан, үчәй иқтидари начар кишиләргә уни көп истимал қилишқа болмайду. Қонақ билән маш уютмиси бир-биригә толиму мас келиду, өзара озуқлуқни толуқлайду. Қонақ — диабет кесилигә гириптар болған адәмләр үчүнму пайдилиқ йемәклик. www.karwan.cn

140 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы