• Дин вә җәмийәт
  • 18 Қаңтар, 2018

Мәдрисә өз ишигини ачти

Йеқинда Алмута шәһири Түрксиб наһийәсиниң Қайрат йезисида йеңи мәдрисә өз ишигини ачти. Бу мәдрисә жутумиздики мечитниң йениға заманивий үлгидә ишбиләрмән инимиз Роберт Өмәрбақиевниң (сүрәттә, оңдин иккинчи) шәхсий хираҗитигә селинған. Мәдрисиниң ечилиши мәрасимға беғишланған тәнтәнини жутумизниң имами Маратхан Чадаев ачти. Андин униң рәмзлик лентисини өз мәзгилидә Түрксиб наһийәсиниң баш имами болуп 25 жилдин ошуқ ишлигән, 91 яшлиқ Әхмәт қари һаҗим қийди. Шуниңдин кейин Түрксиб наһийәсиниң баш имами, Сатарқул Сатыулы қуръан тилавәт қилди. Әхмәт қари һаҗим, өзиниң изгү-тиләклирини билдүрүп, җараңлиқ вә муңлуқ авази билән молут оқуди. Жут ақсақаллири Роберт Өмәрбақиевқа мошу мәдрисини салғини үчүн чәксиз миннәтдарлиғини билдүрди. Шаир Абдулһәй Дөләтов болса, өзиниң шеирини оқуп бәрди. Андин мәдрисиниң селинишиға өз үлүшини қошқан бир топ шәхсләргә, атап ейтқанда Дилшат Қурвансопиев, Җуманазар Сейилханов, Әзимҗан Әлаев, Әркинҗан Һосманов, Мирзәхмәт Палтаев вә Радик Зордунов қатарлиқ сахавәтлик инсанларға Түрксиб наһийәсиниң баш имаминиң Тәшәккүрнамиси тапшурулди. Дәстиханға дуа берилгәндин кейин көпчилик бенаниң иккинчи қәвитини зиярәт қилди. Бу йәрдә оғул вә қизларниң оқуйдиған алаһидә синиплар орунлишипту. Умумән, мәдрисидә бир мәзгилдә 100гә йеқин оқуғучи билим елиш имканийитигә егә болиду. Балилирини диний оқушта оқутимән дегүчиләргә, мәрһәмәт, мәдрисиниң ишиги кәң очуқ һәм һәқсиз. Җаһангәр ИЛИЯСОВ.

229 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы