• Яшлар вә вақит
• 08 Ақпан, 2018

Наиля мәхситигә йетиду

Сулейман Демирәл намидики университетниң үчинчи курс студенти Наиля Ғаппарова (сүрәттә) өткән жили апрель ейида инглиз тилида «GLOSSARY THE WORLD OF LІNGUSTІCS» дәп нам алған дәсләпки китавини нәшир қилип, чоң утуққа йәтти. Китап инглиз тилини үгәнгүчиләргә қолланма сүпитидә йезилған вә униңда бу тилниң гөзәллиги, дуния миқиясидики орни тоғрилиқ ейтилиду. Наиляниң оқуштики әлалиғи вә җәмийәтлик ишлардики активлиғи алаһидә инавәткә елип, университет рәһбәрлиги уни Америка Қошма Штатлириниң Флорида штатидики чоң билим дәргаһлириниң биригә мәхсус йолланма билән әвәтти. Асасий мәхсәт – Наиляниң инглиз тилини техиму чоңқур өзләштүрүшигә толуқ шараит яритиштин ибарәт. Ейтиш керәкки, Наиля көрнәклик уйғур шаири, мәрһум Мөмүн Һәмраевниң нәвриси. Уму, худди бовисиға охшаш, шаир болушни арман қилиду. Һазирға қәдәр язған шеирлири униң бу армининиң рояпқа чиқидиғанлиғидин далаләт берип туриду. Ейтмақчи, Наиля АҚШтики дәсләпки тәсиратлири тоғрилиқ мундақ дәп язиду: «АҚШ — барлиқ арзу-арманларниң толуқ орунлиниши үчүн шәрт болған мүмкинчиликләр бар дөләт. Бу әлдә һәрқандақ адәм – һечбир тосалғулуқларсиз вә әпқачти параңларсиз – арминиға йетәләйду, пәқәт тинмай издиниш, еринмәй оқуш вә бар вуҗудуң билән берилип әмгәк қилиш керәк». Наиля тәкитләп өткән мошу хисләтләрниң һәммиси униң өзидә бар. Демәк, Наиля мәхситигә чоқум йетиду. Назугум БАРАТОВА.