• Йеңилиқлар
• 08 Ақпан, 2018

Дөләт рәһбиригә мукапат берилди

Rіxos Presіdent Astana меһманханисида VІІ «Халықтың сүйіктісі» («Хәлиқ сөйгән шәхс») миллий мукапитини тапшуруш мәрасими болуп өтти. «Евразия қитъәсидә течлиқ вә һәмкарлиқ идеялирини илгирилитишкә қошқан һәссиси үчүн» йеңи номинациядики «Халықтың сүйіктісі» мукапити – «Дана күч» – «Евразияниң дана күчи» мукапити Дөләт рәһбири Нурсултан Назарбаевқа берилди. Мошу номинациядики лауреатни таллаш үчүн «Халықтың сүйіктісі» миллий мукапат кеңиши абройлуқ хәлиқара тәшкилатқа — Евразия Телевидение вә радио академиясигә – йеңи хәлиқара номинациядики лауреатни ениқлаш илтимаси билән мураҗиәт қилди. Пәхрий мукапатни бериш үчүн сәһнигә Евразия Телевидение вә радио академиясиниң президенти, продюсер Валерий Розин (Россия) вә Украина Аммивий әхбарат васитилири хадимлириниң кеңиши ассоциациясиниң рәиси Виктор Петренко чиқти. Кеңәшниң барлиқ тәклиплиридә биринчи орунда бирла адәм болди. Биз мундақ йәкдилликниң кам учрайдиғанлиғини чүшинимиз. Хәлиқара бирләшмиму мәзкүр мукапатни бизниң мәшһур замандишимизға, келәчәктә бизниң қандақ болидиғанлиғимизни ейтмай, бәлки шу келәчәкни бәрпа қиливатқан инсанға, Евразияликниң сәясий философиясини бәрпа қилғучиға тапшуриду, – деди Валерий Розин. Номинация ғалибиниң статуэткиси даналиқ рәмзи болған үкә шәклидә ясалған. Әслитип өтүмизки, мәзкүр мукапат 2011-жилдин буян тапшурулуватиду вә Қазақстандики әң аммибап коммерциялик әмәс мукапатларниң бири болуп һесаплиниду. Бийил май ейида «Халықтың сүйіктісі» миллий мукапити даирисидә җумһурийәтлик «Талабы таудай балдырған» балилар мукапити уюштурулуп, у түрлүк номинацияләрдә пүткүл Қазақстандин талантлиқ балилар вә өсмүрләргә берилиду. Мукапатлаш мәрасими Балиларни қоғдаш күни һарписида өткүзүлиду. ЕАИИ тәрәққиятиниң йеңи басқучи Йеқинда Алмутида Евразия һөкүмәтләрара кеңишиниң мошу жилдики дәсләпки мәҗлиси өткүзүлүп, униңға ЕАИИға әза барлиқ бәш мәмликәтниң премьер-министрлири қатнашти. Мәҗлис Қазақстан Президенти Нурсултан Назарбаевниң тәшәббуси билән уюштурулған “Аләмшумуллаштуруш дәвридики рәқәмләштүрүшниң күн тәртиви” форумиға беғишланди. Униңда Қазақстан, Россия, Қирғизстан, Беларусь, Әрмәнстан һөкүмәтлириниң рәһбәрлири – Бақытжан Сағынтаев, Дмитрий Медведев, Сапар Исаков, Андрей Кобяков вә Карен Карапетян сөзгә чиқти. Умумән, мәҗлискә қатнашқучилар иттипақ даирисидә рәқәмләштүрүшни чапсанлитиш, чоң, кичик вә оттура тиҗарәтни интеграциялик тәшәббусларға қошуш, Мисир, Исраил, Иран, Сербия, Сингапур, Һиндстан, Хитай билән әркин сода зонилирини қуруш мәхситидә өзара пайдилиқ һәмкарлиқни тәрәққий әткүзүш бойичә тәвсийәләрни қоллап-қувәтлиди. Евразия һөкүмәтләрара кеңиши мәҗлисиниң йәкүни бойичә интеграциялик бирләшмә даирисидики һәмкарлиқни чоңқурлитишқа қаритилған бирқатар һөҗҗәтләр имзаланди. Мәҗлис даирисидә шундақла һөкүмәтләр рәһбәрлириниң иккитәрәплимә учришишлири болуп өтти. Мәсилән, Қазақстан Җумһурийитиниң Премьер-Министри Бақытжан Сағынтаев әрмәнстанлиқ кәсипдиши Карен Карапетян билән музакириләрни өткүзди.