• Йеңилиқлар
• 08 Ақпан, 2018

Январьда әһвал яхшиланди

Нурсултан Назарбаев Миллий банк рәиси Данияр Ақышевни қобул қилди. Учришишта Дөләт рәһбиригә Миллий банкниң 2017-жили әмәлгә ашурған ишлириниң йәкүни бойичә һесават берилди. Данияр Ақышев Қазақстан Президентиға Миллий банкниң еқимдики паалийити, ахча-несийә сәяситиниң асасий йөнилишлири, шундақла мәмликәтниң малийә базиридики һазирқи әһвал тоғрилиқ доклад қилди. Миллий банк рәисиниң һесавитиға мувапиқ, 2017-жили инфляция дәриҗиси 7,1 пайизни, алтун-валюта резервиниң көләми өткән жилниң ахириға қәдәр 30,7 миллиард долларни тәшкил қилған. – Январьда әһвал техиму яхшиланди. Банк резерви йәнә 3 пайиз өсүп, 31,7 миллиард долларға йәтти. Миллий фондниң чәт әл валютиси һесавидики активлири 58,3 миллиард долларни тәшкил қилди. 2018-жилниң январь ейида инфляция дәриҗиси 0,6 пайизни тәшкил қилди. Бу биз мошу жилға бәлгүлигән йеңи көрсәткүчкә – 5 – 7 пайиз көрсәткүчигә кириду. Учришиш йәкүни бойичә Дөләт рәһбири бирқатар ениқ тапшурмиларни бәрди.