• Мубарәк болсун!
  • 15 Ақпан, 2018

Мунасиплар мукапатланди

Йолдаш МОЛОТОВ, “Уйғур авази”/ 9-февраль күни Астанадики җумһурийәтлик Оқуғучилар сарийида «Алий оқуш орниниң әң яхши оқутқучиси-2017» җумһурийәтлик конкурсиниң йәкүни чиқирилип, ғалиплар мукапатланди. Униңға Қазақстан Җумһурийити Билим вә пән министри Ерлан Сағадиев қатнишип, мунасипларға мукапатларни тапшурди. Әйнә шуларниң арисида «Хәлиқара билим бериш корпорациясиниң» (Қазақ мемарчилиқ-қурулуш академияси) профессори, мемарчилиқ пәнлириниң доктори Меһрибанум Ғлавдинова болди. Меһрибанум Бәкримҗан қизи оттура мәктәпни алтун медаль билән тамамлап, Алмутидики мемарчилиқ-қурулуш академиясидә билим алди. Мәзкүр билим дәргаһини 1996-жили тамамлиғандин кейин мошу йәргә ишқа тәклип қилинди. Меһрибанум атиси Қазақстан Җумһурийитиниң хизмәт көрсәткән әрбаби, тонулған алим Бәкримҗан Ғлавдиновниң изини бесип, илим-пән билән шуғуллинишқа башлиди. 2002-жили «Оттура Азия мечитлириниң (Қазақстан вә Шәрқий Түркстан мисаллирида) регионаллиқ алаһидиликлири» мавзусида намзатлиқ диссертацияни, 2010-жили болса, «Түрк қағанатлириниң ибадәт мемарчилиғиниң генезиси» мавзусида докторлуқ диссертациясини утуқлуқ қоғдиди. У педагогика саһасида бакалавриатлар, магистрлар вә докторантлар үчүн тәйярланған типлиқ программилар, методикилиқ комплексларниң муәллипи. Яш алимниң йәнә бир алаһидилиги, у лекциялирини рус тили билән бирқатарда инглиз тилидиму оқуйду. Меһрибанум шундақла «Хәлиқара билим бериш корпорациясиниң» методикилиқ кеңишиниң вә мемарчилиқ мутәхәссислиги бойичә җумһурийәтлик оқуш-методика комлексиниң рәиси, диплом ишлири конкурслирини уюштурғучи вә жюри әзаси. Униң рәһбәрлигидә тәйярланған дипломлуқ вә магистрлиқ ишлар нурғунлиған җумһурийәтлик һәм хәлиқара конкурсларда ғалип чиқти. Меһрибанум Бәкримҗан қизи 20 жилдин ошуқ вақит давамида оқутқучилиқ паалийәт билән шуғуллинип келиватиду. Мана униң шиҗаәтлик әмгиги мунасип баһалинип, министр қолидин мәхсус сертификат вә медаль алди.

126 рет

көрсетілді

0

пікір
Алдыңғы мақала Уйғур композитори биринчи орунда
Келесі мақала Жил психологи аталди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы