• Асасий мақалилар
  • 15 Ақпан, 2018

Хәлиқ үчүн очуқ болуши керәк

“Нур Отан” партияси Рәисиниң биринчи орунбасари Мәулен Әшимбаев мәркизий аппаратниң барлиқ қурулумлуқ бөлүнмилири вә ярдәмчи тәшкилатлар рәһбәрлириниң қатнишиши билән кәңәйтилгән кеңәшмә өткүзди. Кеңәшмидә Дөләт рәһбириниң мәмликәтниң йетәкчи сәясий күчини йеңилаш бойичә тапшурмилирини әмәлгә ашуруш асасий мавзу болди. Партияни йеңилашниң ениқ плани тәйяр. Бу ислаһатниң асасий мәхсити – Қазақстанниң ихтисадий, сәясий вә роһий саһалиридики йеңилаш йолини сәясий қоллап-қувәтләшниң әң нәтиҗидарлиқ механизмлирини вуҗутқа кәлтүрүш. Мәулен Әшимбаев сәпдашлириға Дөләт рәһбири тапшурмилириниң әмәлгә ашурулушини тәминләйдиған асасий вәзипиләр тоғрилиқ сөзләп бәрди. Биринчи новәттә, кадрларниң риқабәткә тақабиллиғини ашуруш зөрүр. Уларниң сүпәт тәркиви толуқ тәкшүрүлиду, партиявий билим системиси йеңи дәриҗигә чиқиду. “Нур Отан” яшлар билән паал һәмкарлиқта болиду, жуқури квалификациялик башқурғучиларни мустәқил тәйярлап, кейин уларниң әң талантлиқлирини вә паалийәтчанлирини дөләт органлирида ишләш үчүн көрситиду. Иккинчидин, партия идеяләрни әмәлгә ашурғучи, умуммиллий күн тәртивини шәкилләндүрүшкә қатнишиватқан стратегиялик күч болуши керәк. Партия әзалири өз паалийитини җанландуриду вә мәмликәттә пәйда болуватқан әң өткүр вә проблемилиқ мәсилиләргә оператив һалда диққәт бөлиду. Биз иш шәклини һәм усуллирини өзгәртишимиз керәк. Биз паалийитимизни уюштурушниң бюрократик яндишишлиридин қутулушимиз шәрт. Қәғәзвазлиқни вә кеңәшмиләрни азайтип, ишта көпирәк иҗаткарлиқ-бәрпакарлиқни вә җошқунлуқни җарий қилишимиз лазим. Биз нәтиҗидарлиқ вә ениқ нәтиҗә үчүн ишләйдиған тәшкилий, сәясий вә аналитикилиқ мәркәз болушимиз керәк. Биз Дөләт рәһбириниң иҗаткарлиқ-бәрпакарлиқ мәркизигә айлинишимиз шәрт, – дәп тәкитлиди Мәулен Әшимбаев. “Нур Отан” партияси Рәисиниң биринчи орунбасариниң тапшурмиси бойичә әмәлияттики барлиқ партиявий лайиһиләрниң актуаллиғи тәһлил қилиниду вә баһалиниду, шундақла йеңилири – кичик вә оттура тиҗарәтни қоллап-қувәтләш, инновацияләрни тәрәққий әткүзүш бойичә лайиһиләр тәйярлиниду. Җумһурийәтлик җәмийәтлик қобулханиниң иши хелә җанлиниду. Шундақла партия әзалири партияни йеқинки он жиллиқта тәрәққия әткүзүшниң узақ муддәтлик стратегиясини ишләп чиқиши керәк. Мәулен Әшимбаевниң сөзичә, йеңилаш бойичә вәзипиләрни әмәлгә ашурғанда, Дөләт рәһбириниң партияниң министрлик әмәс екәнлиги тоғрилиқ ейтқан сөзини әстин чиқармаслиқ муһим. Партия рәисиниң биринчи орунбасари кәсипдашлириға барлиқ партиявий ишни йеңилашни толуқ әмәлгә ашуруш үчүн өз паалийитиниң усуллири билән яндишишлирини өзгәртишни тәвсийә қилди. “Нур Отан” партияси хәлиқ үчүн толуқ дәриҗидә очуқ болуп, мәмликәтниң келәчиги үчүн ишлиши керәк, – дәп тәкитлиди Мәулен Әшимбаев. Кеңәшмидә партия катиплири Фархад Қуанғанов, Ғабидолла Абдрахимов вә Қаныбек Жумашев партиявий йеңилашниң дәсләпки йәкүнлири тоғрилиқ сөзгә чиқти.

62 рет

көрсетілді

0

пікір
Алдыңғы мақала Мунасиплар мукапатланди
Келесі мақала Һөкүмәтниң кәңәйтилгән мәҗлиси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы