• Спорт
• 01 Наурыз, 2018

Нариманниң новәттики утуғи

Йолдаш МОЛОТОВ,«Уйғур авази»/ 22 – 25-февраль күнлири арилиғида Австралияниң Мельбурн шәһиридә спорт гимнастикиси бойичә Дуния кубогиниң новәттики басқучи өтти. Униңға Қазақстан талланма командиси тәркивидә уйғур жигити Нариман Қурбановму қатнашти. 20 яшлиқ Нариман һазир Қазақ спорт вә туризм академиясиниң студенти. У 2017-жили Монреальда өткән дуния чемпионатида «атта» техникилиқ җәһәттин қийин элементни орунлиған еди. Нариманниң бу элементи хәлиқара гимнастика федерацияси тәрипидин етирап қилинип, «The Kurbanov» дегән нам алди. Нариман Қурбанов бу қетим Мельбурндиму утуқлуқ һүнәр көрсәтти. У «атта» алтун медаль йеңивалди. Иккинчи орунни – Тайбей спортчиси Чи Кай Ли, австралиялик Кристофер Ремкес үчинчи орунни егилиди. Пурсәттин пайдилинип, Нариманни бу утуғи билән тәбрикләп, келәчәктиму утуқ тиләймиз.