• Бизниң җанкөйәрлиримиз
  • 07 Наурыз, 2018

Разийәм аниниң бәхти

Рашидәм РӘҺМАНОВА,/ «Уйғур авази»/ Разийәм Абдул қизи Челәктә туғулуп-өсти. Киров намидики оттура мәктәпни үлгилик тамамлап, Челәк наһийәлик көктат қобул қилиш мәһкимисигә ишқа орунлишиду. Кеңәш дәвридә яшиған нурғунлиған адәмләрниңкигә охшаш, Разийәм һәдиниң әмгәк китапчисидиму нурғун йезиқ йоқ. Чүнки у аталған мәһкимә йепилғичә, йәни 24 жил мабайнида бирла йәрдә ишлиди. Андин Челәк һарақ-шарап заводида, кейин «Гидро» шәхсий ширкитидә әмгәк қилип, һөрмәтлик дәм елишқа чиқти. Көп жиллиқ адил әмгиги әҗригә «Әмгәк ветерани» медали вә онлиған Пәхрий ярлиқлар билән мукапатланди. Нураний ана билән болған сөһбәттә у өзидин көрә мәрһум йолдиши Рәхимҗан Исламов, 50 – 60 жил мабайнида бир мәшрәптә беши қошулған ағинә-өңгилири һәққидә көпирәк сөзлиди. Разийәм һәдиниң йолдиши Рәхимҗан Һаппаз оғли 1937-жили Әмгәкчиқазақ наһийәсиниң Әмгәк йезисида дехан аилисидә туғулған. Дадиси Һаппаз Улуқ Вәтән урушиға атлинип, җәң мәйданида қәһриманларчә қаза бопту. Аниси Айшәм атисиз қалған оғлини барлиқ анилиқ меһир-муһәббитини сәрип қилип, чоң қилди. 1963-жили иш баби билән Челәк йезисиға көчүп кәлгән Рәхимҗан Разийәм билән тил тепишип, аилә қурди. Рәхимҗан өз ишиға чин дили билән берилгән, достқа адил, аилидә меһриван вә вападар инсан еди. Әр кишиниң қәдир-қиммитини билидиған Разийәм һәдә йолдишиниң уруқ-туққанлири, дост-яранлири, кәсипдашлири, пәрзәнтлири алдидики һөрмитини техиму ашурди. Улар көпниң зоқини кәлтүридиған аилиләрдин еди. Рәхимҗан вә Разийәм Исламовлар үч оғул вә бир қизини чоң қилип қатариға қошти һәм 10 нәврә, 5 чәврә сөйди. Әпсус, Рәхимҗан ака 63 йешида дуниядин өтти. Шуниңдин бери Разийәм һәдә пәрзәнтлири үчүн һәм ата, һәм ана болуп кәлмәктә. Һаят тәҗрибиси мол Разийәм Исламова бүгүнки яшларниң тәрбийисигә алаһидә көңүл бөлүш керәк екәнлигини қайта-қайта ейтти. Шуңлашқа болса керәк, төрт пәрзәндиниң барлиғи инсаплиқ инсанлардин болуп йетилди. Бу күнләрдә һаятиниң 80-даваниға көтирилип, пәрзәнтлириниң яхшилиғини көрүватқан Разийәм ана «балилирим – бәхтим» дегән сөзниму пат-пат қайтилиди. Һәқиқәтәнму шундақ. Әмгәкчиқазақ наһийәси.

237 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы