• Гезитимиз җанкөйәрлири
  • 07 Наурыз, 2018

Амәтликләр ениқланди

Йолдаш МОЛОТОВ, «Уйғур авази»/ Мәлумки, 2018-жилға муштири топлаш мәвсүми башланғанда биз «Уйғур авази – өйүмизниң бәрикити» намлиқ лотерея оюнини уюштурған едуқ. Өткән һәптидә, Алмутидики «ТехноГрад» ширкитиниң һозурида, мәзкүр лотерея ойнитилди. Лотерея оюнини уюштуруштики асасий мәхситимиз – муштирлиримизға болған миннәтдарлиғимизни вә рәғбәтләндүрүш арқилиқ изһар қилиш болди. Униң үчүн һамийларни җәлип қилип, баһалиқ соғиларни тәйярлидуқ. Тәкитләш лазимки, лотереяға қатнишишниң асасий шәрти — гезитханниң 2018-жилға муштири болғанлиғиға гувалиқ қилидиған квитанцияниң көчәрмисини редакциямизгә әвәтип бериши болди. Әлвәттә, биз муштирилиримизниң бу лотерея оюниға актив қатнишидиғанлиғиға үмүт қилип, квитанция көчәрмилирини қобул қилиш қәрәлини 2017-жилниң 25-декабрь күни аяқлаштурушни мәхсәт қилған едуқ. Лекин, көплигән гезитханлиримизниң тәләплиригә бенаән, бу қәрәлни бийил 15-февральғичә узарттуқ. Умумән, лотерея оюни башланғандин буян редакциямизгә җәми 2080 квитанция көчәрмиси келип чүшти. Уларниң ичидә Уйғур наһийәсидин – 675, Талғир наһийәсидин – 335, Панфилов наһийәсидин – 213, Әмгәкчиқазақ наһийәсидин – 297, Җамбул наһийәсидин – 179, Алмута шәһиридин – 316 вә башқиму шәһәрләрдин 65 квитанция көчәрмиси кәлди. Бизни һәйран қалдурған йәнә бир әһвал, айрим муштирилиримиз бир квитанцияни бирнәччә қетим әвәткән, бәзилири өткән жилдики квитанциялирини, һәтта тамамән башқа гезитларға йезилғанлиғиға гувалиқ қилидиған тоғрилиқ квитанцияләрниму әвәтипту. Әнди айрим квитанцияләрдә муштириниң макан-җайи вә исим-фамилияси көрситилмигән әһвалларму болди. Ундақларни лотерея оюниға қатнаштурмидуқ. Лотерея оюни башлиништин илгири «Уйғур авази» гезити баш муһәрририниң орунбасари Бәхтишат Сопиев оюнниң қаидилирини чүшәндүрүп өтти. — Биз лотереяниң адил өтүшини мәхсәт қилған һалда муштирилиримиз көп наһийәләрдин, йәни Панфилов, Уйғур, Әмгәкчиқазақ, Талғир наһийәлиридики Уйғур мәдәнийәт мәркәзлириниң рәһбәрлирини вә һамийлиримизни рәсмий тәклип қилған едуқ, — деди Бәхтишат Мәһәммәт оғли. — Әпсус, айрим сәвәпләргә бола, уларниң бәзилири келәлмиди. Лотерея оюнида бүгүн җәми он алтә утуқ ойнитилиду. Уларниң ичидә он төрт мәиший техника васитиси вә «Жаркент-Арасан» санаторийиға икки йолланма бар. Лотерея оюниниң қаидиси төвәндикичә: биз дәсләп мәхсус лототрондин утуқни ениқлаймиз. Шуниңдин кейин мәхсус ғоҗунға селинған квитанцияләрни тартип, шу утуққа еришкән муштирини ениқлаймиз. Шундақла лотерея оюниниң адил өтүшини тәминләш мәхситидә «Шатлиқ» театриниң мудири Шатлиқ Худайқуловниң тәшәббуси вә гезитимиз җанкөйәрлириниң бири Шерияздан Хоҗаевниң ярдими билән барлиқ җәриян видеоға чүширилиду. Әнди бүгүн мошу лотерея оюниға тәклип қилинған меһманлар арисидин комиссия әзалирини сайлаш тәкливини беримән. Көпчиликниң қоллап-қувәтлиши билән лотереяни өткүзүш бойичә комиссияниң рәиси болуп ҖУЭМ рәисиниң орунбасари Сулайман Мәхсүтов, комиссия әзалири болуп Талғир наһийәлик Уйғур этномәдәнийәт мәркизиниң рәиси Иминҗан Тохтахунов, «ТехноГрад» ширкитиниң мудири Билал Һошуров вә Туздыбастав йезилиқ Уйғур мәдәнийәт мәркизиниң рәиси Реһимҗан Мәсимов сайланди. Шуниңдин кейин лотерея оюни жуқурида тәкитләнгән қаидиләргә мувапиқ өтти. Шундақ қилип, гезитимизниң «Уйғур авази — өйүмизниң бәрикити» лотерея оюниниң ғалиплири ениқланди (җәдвәлгә қараң). Лотерея оюни аяқлашқандин кейин сөз комиссия рәиси Сулайман Мәхсүтовқа берилди. – Лотерея оюни адил вә бәкитилгән қаидиләргә мувапиқ өтти, — деди Сулайман ака. – Гезит хадимлириниң муштириларни җәлип қилиш вә рәғбәтләндүрүш мәхситидә өткүзгән бу лотерея оюнини һәммимизни хошал қилди. Мошундақ ишлар келәчәктиму давамлишиду дәп ойлаймән. Пурсәттин пайдилинип, бүгүн лотерея оюнида ғалип чиққан муштириларни қизғин тәбрикләймән. Шуниңдин кейин сөз алған Иминҗан Тохтахунов, Реһимҗан Мәсимов өткән жили муштири топлаш мәвсүмидә әмәлгә ашурулған ишлар һәққидә пикирлири билән ортақлашти. «ТехноГрад» ширкитиниң мудири Билал Һошуров кәлгүси жилға муштири топлаш мәвсүмидә әң көп муштири топлиған бәш адәмгә мәхсус соға тәсис қилидиғанлиғини вәдә қилди вә һазирчә уларниң сир болуп қелишиниң әвзәллигини тәкитлиди. Алаһидә тәкитләш лазимки, бизгә мошу лотерея оюнини өткүзүшкә, соғиларни елишқа йеқиндин һамийлиқ қилған тиҗарәтчи Азат Абдуллаевқа тәшәккүр изһар қилимиз. Шуни қошумчә қилимизки, лотерея оюнида соға утувалғанлар редакциямизгә (8-727) 261-79-73 телефони арқилиқ хәвәрләшсә болиду. Барлиқ соғилар 16-март күни «ТехноГрад» ширкитиниң бенасида (Алмута шәһири, Райимбек кочиси 221 «ж», «Баня» бекити) саат 11:00дин 14:00ғичә тапшурулиду. Соғиларни елиш үчүн шәхсий гуванамә вә “Уйғур авази” гезитиға 2018-жил үчүн муштири болғанлиғини тәстиқләйдиған квитанция тәләп қилиниду. Исим-фамилияси Макан-җайи Утуқ Чимәнгүл Турдиева Уйғур наһийәси, Чоң Ақсу йезиси кир жуйғуч машина Алик Розибақиев Райимбек наһийәси, Сүмбә йезиси газ плита А.Сабитов Җамбул наһийәси, Узунағаш йезиси телевизор Асқар Магамедов Талғир наһийәси, Бесағаш йезиси тоңлатқуч Халбүви Дуганова Әмгәкчиқазақ наһийәси, Достлуқ йезиси Т.Сайитова Җамбул наһийәси, Узунағаш йезиси тостер Рәбәгүл Һошурова Панфилов наһийәси, Чоң Чиған йезиси мультиварка Р.Палитаев Талғир наһийәси, Туздыбастав йезиси чаңшориғуч Анайәт Демьянов Панфилов наһийәси, Яркәнт шәһири электрчәйнәк Ғоҗәхмәт Җаппаров Әмгәкчиқазақ наһийәси, Ғәйрәт йезиси ширнәсиққуч (соковыжималка) Әхмәт Бекташев Уйғур наһийәси, Чонҗа йезиси блендер Қутлуқ Тохтахунов Әмгәкчиқазақ наһийәси, Ават йезиси миксер Ш.Веливаев Әмгәкчиқазақ наһийәси, Рахат йезиси гөштоғриғуч (мясорубка) Д.Муратова Панфилов наһийәси, Яркәнт шәһири микроволновка Д.Йүсүпов Әмгәкчиқазақ наһийәси, Челәк йезиси Саттаров (исми көрситилмигән) Талғир наһийәси, Туздыбастав йезиси дәзмал

159 рет

көрсетілді

0

пікір
Алдыңғы мақала Садирдики седә – достлуқ билән паравәнликниң рәмзи
Келесі мақала Дайим дост болуп қалайли!

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

27 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы