• Әхбаратлар еқими
• 07 Наурыз, 2018

Ройхәткә елиш аяқлашти

Қазақстанда чиқип кәткән мәслиһәтләр депутатлириниң орниға намзатларни ройхәткә елиш аяқлашти. Җумһурийәт бойичә барлиғи болуп 214 үмүткар, җүмлидин Ақмола вилайити бойичә – 9, Ақтөбә вилайити бойичә – 12, Алмута вилайити бойичә – 18, Атырав вилайити бойичә – 18, Ғәрбий Қазақстан вилайити бойичә – 12, Җамбул вилайити бойичә – 10, Җәнубий Қазақстан вилайити бойичә – 13, Қарағанда вилайити бойичә – 29, Қизилорда вилайити бойичә – 12, Қостанай вилайити бойичә – 41, Маңғыстав вилайити бойичә – 3, Павлодар вилайити бойичә – 16, Шәрқий Қазақстан вилайити бойичә – 6, Шималий Қазақстан вилайити бойичә – 9, Алмута шәһири бойичә 6 намзат ройхәткә елинди. Қазақстан Җумһурийитиниң Мәркизий сайлам комиссиясидә хәвәр қилишичә, сайлам кампанияси сайлам қануни нормилириниң тәләплиригә мувапиқ өтүватиду. Сайлам комиссиялиригә шикайәт қилғучилар вә әризә бәргүчиләр болмиди. Әслитип өтүмизки, чиқип кәткән мәслиһәтләр депутатларниң орниға сайлам бийил 25-март күни 68 сайлам округида өтиду. Вилайәтлик мәслиһәтләргә 10, шәһәрлик мәслиһәтләргә 17 вә наһийәлик мәслиһәтләргә 41 депутат сайлиниду.