• Асасий мақалилар
  • 07 Наурыз, 2018

ҚИММӘТЛИК ХАНИМ-ҚИЗЛАР!

Қазақстан хәлқи Ассамблеяси Силәрни әң ярқин вә сәмимий баһар мәйрими – 8-Март – Хәлиқара ханим-қизлар күни билән чин қәлбидин тәбрикләйду! Қиммәтлик ханим-қизлар! Һәрбир адәм үчүн Силәр әң алий әхлақий сүпәтләрниң – анилиқниң, дилкәшликниң, шәпқәтликниң, диққәтчанлиқниң, назуклуқниң вә пак ой-нийәтниң ипадиси болдуңлар вә һәрқачан шундақ болуп қалисиләр.Һәрбир аял өз өйидә меһриванлиқни вә иллиқлиқни яритиду, балиларни тәрбийиләйду, адәмләр оттурисидики мунасивәтләрдә тәртип вә уйғунлуқни сақлайду. Һазир һечбир саһани яки паалийәт даирисини Силәрсиз тәсәввур қилиш мүмкин әмәс. Силәр чоң ширкәтләргә вә ишләпчиқириш орунлириға рәһбәрлик қиливатисиләр, Олимпиада вә хәлиқара мусабиқиләрдә медальларға сазавәр болуватисиләр, пүткүл дуния бойичә иҗадий конкурсларда ғалип чиқиватисиләр, илим-пәндә йеңилиқ ечиватисиләр, хәлқимизниң талант вә қабилийитини намайиш қилип, надир сәнъәт әсәрлирини яритиватисиләр. Силәр биз, һәрбир әр киши үчүн, қәлбимизни чүшинидиған, һәрқандақ шараитта қоллап-қувәтләйдиған сөйүмлүк анимиз, яримиз, қизимиз, сиңлимиз, шундақла йеқин достумиз болуп қалисиләр. ҺӨРМӘТЛИК ХАНИМ-ҚИЗЛАР! Елимиздә инақлиқ вә разимәнлик, изгүлүк вә муһәббәт кәйпиятини орнитиш йолидики сәмимий һис-туйғуңлар вә алийҗанап интилишиңлар, бебаһа хизмитиңлар үчүн бизниң Силәргә болған тәшәккүримиз чәксиз. Қазақстан хәлқи Ассамблеяси мошундақ мәйрәмлик күндә барлиқ вәтәндашлиримиз намидин Силәргә өзиниң чәксиз һөрмити билән алқишини билдүриду. Мошу баһар күни Силәргә пүтмәс-түгимәс хошаллиқ, қучақ-қучақ гүлдәстиләрни, дост-йолдашниң иллиқ тәбәссүми билән диққитини әта қилсун! Қазақстан хәлқи Ассамблеясиниң Кеңиши.

73 рет

көрсетілді

0

пікір
Алдыңғы мақала «Қазақстан — бизниң умумий өйүмиз»
Келесі мақала Президент һозурида

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *