• Әдәбият гүлзари
  • 16 Наурыз, 2018

Бейитлар

Илгири гезитимизда язғинимиздәк, үстимиздики жилниң январь ейиниң ахирида Алмута шәһиридики «Он икки муқам» ресторанида «Варис» әдәбий-иҗадий бирләшмисиниң қатнишиши билән «Шеирийәт кечиси» дәп аталған мәдәний чарә-тәдбир өткән еди. Шу йәрдә бирләшмә әзалири һечқандақ тәйярлиқсиз бир-биригә бейитларни ейтип, көпчиликниң алқишиға сазавәр болди. Төвәндә шу бейитларниң бир түркүмини гезитханлар диққитигә һавалә қиливатимиз. Айидәм Әхмәтова: Күздә буғдай пишқанда Хаман данға толиду Чирайиңиз бәк иллиқ Исмиңиз ким болиду? Вильям Молотов: Инглиз тилидин елинған Исмим Вильям болиду. Уйғурчиси әслидә Аддий Веләм болиду. Айидәм: Шунчә гүлләр ичидә Рәйһан гүли ечилди. Мениң көңлүм бүгүнзә Бирла сизгә егилди. Вильям: Бағ ичидә ериқта Су тохтимай ақиду. Сизниң гүлдәк һөсниңиз Маңа бәкму яқиду. Айидәм: Байқаң, байқаң, шох жигит, Жүрәк от боп янмисун. Чақчақ қилип қизларға Кавап болуп қалмисун. Альбина Әмәтова: У ян пеқирайду чақ, Бу ян пеқирайду чақ. Көзини қисип өткән, Шөһрәтҗанниң көңли ақ. Шөһрәт Илиев: Өтсәм қисип көзүмни, Сөйүп қоюң йүзүмни. Сиздәк гөзәл қизларға, Ейтивалай сөзүмни. Альбина: Бағ болса, гөзәл болса, Бағ ичи гүлгә толса. Допамға тақимасмән, Бәргән гүлиңиз солса. Шөһрәт: Гүлсиз булбул сайришамду, Бир-биригә қаришамду. Мениң бәргән гүллирим, Допиңизға яришамду. Альбина: Гүлни бәзән «чөп» дәйду, «Чөп дегән бәк көп» дәйду. Бағда биллә көргәнни, Әл ичидә «җүп» дәйду. Шөһрәт: Қарму ерип бу айда, Суму ақти чоң сайда. Болмисиңиз маңа яр, «Җүп» дегәндин нә пайда? Альбина: У кочиму һәҗәп тар, Бу кочиму һәҗәп тар. Сизгә амрақ көзлирим, Йолуңизға интизар. Шөһрәт: Қизилгүлниң тикини, Кирип кәтти қолумға. Тәшна болуп һәр күни, Қарап өтүң йолумға. Альбина: Дилниң ачқучи сөздә, Сөзниң яхшиси биздә . Ким кимни сөйсә, мәйли, Мениң бу көңлүм сиздә. Шөһрәт: Қишниң гүли — қар десәм, Сизсиз аләм тар десәм. Боламду, йә болмамду? Сиздә көңлүм бар десәм. Альбина: Аччиқ чақиду чаққақ, Ундин қорқиду қорққақ. Көңлиңизгә еп кәтмәң, Буниң һәммиси чақчақ. Тәғдир Октябров: Ва гөзәл қиз, сизни дәсләп, Көргинимдә әстин талдим. Кечилири тинмай әсләп, Күндүзиму муңда қалдим. Дилинур Өмәрова: Хойма гәпчан жигиткәнсиз, Көңли юмшақ демәң һәргиз. Чин сөйсиңиз өкүнмәйсиз, Сөйгү әсли болмас ғәмсиз. Тәғдир: Чин сөйгиним раст – һәқиқәт, Дуния гува сөзлиримгә. Таза көңүл мәндә пәқәт, Ишәнмәмла көзлиримгә? Дилинур: Көзиңизгә қарисам, Толуп ятқан сир пәқәт. Көңүл елиш бәк қийин, Керәк сизгә көп тақәт. Тәғдир: Тақәт керәк, билимән, Жигит дегән тақәтлик. Та бир өмүр күтимән, Болуп кәтмәң сиз ятлиқ. Дилинур: Чин жүрәктин сөйсиңиз, Янмаң һәргиз арқиға. Сөзгә мәккәм болсиңиз, Кетәлмәймиз башқиға. Тәғдир: Сизни дәп отта көйүп, Суда чөксәм мәйлиди. Арминим – алсам сөйүп, Сиздәк омақ ләйлини. Дилинур: Мәндики бу сап жүрәк, Пак сөйгүгә бәкму зар. Мәңгү садиқ боларму, Вәдисигә вападар? Тәғдир: Садиқ болуп сөйгүгә, Мәңгү биллә өтәйлуқ. Хәлиқ үчүн, әл үчүн, Биллә шатлиқ төкәйлуқ. Дилинур: Мәңгү болсун муһәббәт, Сизгә ишәнчә бағлидим. Миллион жигит ичидин, Пәқәт сизни таллидим. Вильям: Чақчақ қилип жүрмисәм Көңлүм зади толмайду, Жүрәктә от янмиса, Өмүр қизиқ өтмәйду. Айидәм: Хушхой жигит екәнсиз, Маңа бәкму яқтиңиз. Мошу йәрдә тохтайли Бейит ейтип һарсиңиз? Вильям: Өмүр қалаймиқинида Бейитқа кәпту пурсәт. Бүгүнки соққа қаримай. Кәлгәнләргә миң рәхмәт.

189 рет

көрсетілді

0

пікір
Алдыңғы мақала «Интизарға»– 15 жил
Келесі мақала Балилар язғучиси болуш – чоң амәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы