• Асасий мақалилар
  • 16 Наурыз, 2018

Иҗтимаий йеңилашниң өзиги

«Қазақстан-2050» Умуммиллий демократик күчләр коалицияси Президентниң «Бәш иҗтимаий тәшәббусини» қоллап-қувәтлиди, униңға киридиған барлиқ партияләр, җәмийәтлик бирләшмиләр вә һөкүмәтлик әмәс тәшкилатлар болса, тәшәббусларни нәтиҗидарлиқ әмәлгә ашуруш үстидә ишләшкә тәйяр екәнлигини билдүрди. Умуммиллий демократик күчләр коалициясиниң Нурсултан Назарбаевниң Мураҗиитигә беғишланған новәттики мәҗлиси Астанада «Нур Отан» партияси Рәисиниң биринчи орунбасари Мәулен Әшимбаев рәислигидә өтти. Мәулен Әшимбаев өз сөзидә көтириливатқан мавзуниң муһим екәнлигини тәкитләп, Президент тәшәббуслириниң Қазақстанни иҗтимаий йеңилашниң өзиги болидиғанлиғини атап көрсәтти. Мәмликәт Президенти бу тәшәббусларни пүткүл дуния бойичә дөләт иҗтимаий программилири тохтитилип, һөкүмәтләр илгири өз зиммисигә алған мәҗбурийәтләрдин ваз кечиватқан пәйттә оттуриға қоюватиду. Дөләт рәһбири хәлиқниң иҗтимаий паравәнлигиниң Қазақстан үчүн асасий йөнилиш болуп қеливатқанлиғини новәттики қетим әмәлиятта испатлимақта. Һәтта әң мурәккәп ихтисадий шараиттиму гражданлиримизниң мәнпийәтлири һәрдайим асасий орунда болуватиду, – дәп тәкитлиди партия Рәисиниң биринчи орунбасари. Мәҗлистә шундақла «Ақ жол» демократик партиясиниң рәиси, Парламент Мәҗлисиниң депутати Азат Перуашев, Қазақстан Коммунистик хәлиқ партиясиниң кативи, Парламент Мәҗлисиниң депутати Жамбыл Ахметбеков, «Ауыл» хәлиқ-демократик вәтәнпәрвәрлик партиясиниң рәиси, Парламент Сенатиниң депутати Али Бектаев, «Қазақстан Җумһурийитиниң миллий инженерлиқ академияси» җумһурийәтлик җәмийәтлик бирләшмисиниң рәиси, Парламент Сенатиниң депутати Бақытжан Жумағулов, «Жулдыз» Балилар җәмийәтлик тәшкилатлириниң иттипақ» җәмийәтлик бирләшмисиниң президенти Елена Дмитриенко, «Қазақстан-2050» Умуммиллий һәрикити кеңишиниң рәиси Мухтар Манкеев, «Болашақ» программиси Стипендиатлар ассоциацияси кеңиши рәисиниң вәзиписини орунлиғучи, Парламент Мәҗлисиниң депутати Бахтияр Мәкен сөзгә чиқип, Президент тәшәббуслирини қоллап-қувәтлиди вә уларни әмәлгә ашуруш үчүн барлиқ күчини сәрип қилишқа тәйяр екәнлигини билдүрди. Умуммиллий демократик күчләр коалицияси мәҗлисидә қазақстанлиқларға мураҗиәт қобул қилинип, униңда йеңи тәшәббусларни қоллап-қувәтләш вә гражданларға мәмликәтни иҗтимаий йеңилаш даирисидә муһим һөҗҗәтни муһакимә қилишқа вә әмәлгә ашурушқа актив қатнишиш чақириғи өз әксини тапти.

43 рет

көрсетілді

0

пікір
Алдыңғы мақала Тарихий достлуқтин — стратегиялик иттипақдашлиққичә
Келесі мақала Мәйрәмлик концертни тамашә қилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

24 Ақпан, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы