• Асасий мақалилар
  • 29 Наурыз, 2018

«Буниң һәммиси – хәлиқниң ғеми»

Мәшүр САСИҚОВ, «Уйғур авази»/ Норуз мәйрими һарписида Қазақстан хәлқи Ассамблеяси Рәисиниң орунбасари – Қазақстан Җумһурийити Президенти мәмурийити ҚХА Кативатиниң мудири Леонид Прокопенко Алмута шәһиридики «Достлуқ өйигә» келип, у йәрдә паалийәт елип бериватқан этномәдәнийәт мәркәзлирини һаят-нәпәси билән тонушти. Дәсләп у мәркәз рәһбәрлири билән сөһбәтлишип, ҚХА тәрипидин келәчәккә түзүлгән иш-реҗиләрни муһакимә қилди. Леонид Прокопенко шундақла җумһурийәтлик Уйғур этномәдәнийәт мәркизидиму болди. Униңға уйғурлар һәққидә ҖУЭМ рәисиниң орунбасари, ҚХА әзаси Ершат Әсмәтов мәркәз паалийити һәққидә қисқичә әхбарат бәрди. Андин А.Прокопенкониң қатнишиши билән Қазақстан хәлқи Ассамблеясиниң җумһурийәтлик кеңәшмиси өткүзүлүп, униңда Президентниң Бәш иҗтимаий тәшәббусини әмәлгә ашуруш йөнилишлири муһакимә қилинди. Кеңәшмини Леонид Прокопенко киришмә сөз билән ечип, йеңи тәшәббусларниң башқа барлиқ программилар билән лайиһиләрни һәқиқий һәм сезиләрлик мәзмун билән толуқтуридиғанлиғини тәкитлиди. — ҚХАниң җай-җайлардики үч миң җәмийәтлик разимәнлик кеңиши Президент вәзипилирини чүшәндүрүшниң вә әмәлгә ашурушниң әң нәтиҗидарлиқ йоллирини издәшкә киришиши, гражданлиқ җәмийәтниң барлиқ институтлириниң мошу җәриянға җәлип қилинишини тәминлиши керәк, – дәп тәкитлиди Леонид Прокопенко. – Чүнки Президент программиси ениқ мәзмун билән толуқтурулуп, һәрбир қазақстанлиққа қаритилған вә хәлиқниң турмуш-тирикчилигини яхшилашқа нишан қилинған. Леонид Прокопенко «7 – 20 – 25» программиси тоғрилиқ гәп қилип, уни әмәлгә ашуруш нәтиҗисидә мәмликәтниң пәқәт қурулуш саһасидила әмәс, банк секторидиму күчлүк мультипликативлиқ пайда алидиғанлиғини тәкитлиди. Чүнки тәклип қилиниватқан шәртләр несийә беришниң моҗут вариантлириниң альтернативи болуп һесаплиниду. Бу, өз новитидә, банкларни моҗут ипотекилиқ мәһсулатниң нәтиҗидарлиғини ашурушниң йеңи йоллирини издәшкә мәҗбурлайду. Леонид Прокопенкониң тәкитлишичә, 25 айлиқ һесап көрсәткүчи әтрапида иш һәққи еливатқанлар үчүн айрим кирим селиғи арқилиқ селиқ жүклимисини төвәнлитиш әмәлиятта җәмийәттә иҗтимаий адаләтлик чүшәнчисини күчәйтиду. — Билим беришни вә униң сүпитини ашуруш – истиқбалға молҗаланған ойлаштурулған чарә. Бу йәрдә гәп пәқәт Үчинчи йеңилаш үчүн кадрларни тәйярлаш тоғрилиқла әмәс. Барлиқ алий оқуш орунлирида техникилиқ һәм йеза егилиги мутәхәссисликлири бойичә қошумчә 20 миң грант бөлүш вә уларниң баһасини миллий университетлар дәриҗисигичә көтириш, билим бериш системисиниң тәләплиригә җавап бериду. Яшлар вә мәктәп учумкарлири үчүн өз мәмликитидә оқушниң йеңи имканийәтлири ечиливатиду, – дәп тәкитлиди ҚХА Рәисиниң орунбасари. Кеңәшмидә сөзгә чиққан ҚХА Рәисиниң орунбасари Абилфаз Хамедов, ҚХА илмий-экспертлар бирләшмисиниң әзаси, тарих пәнлириниң доктори Георгий Кан вә башқилар күн тәртивидики мәсилә бойичә өз пикирлири билән ортақлашти. Дөләт рәһбириниң иҗтимаий тәшәббуси – бу һәммидин авал йеңи әвлат үчүн имканийәт вә дөләтниң униңға қиливатқан ғәмхорлуғи. Әйнә шуниңға бағлиқ ҚХА әзалири, этномәдәнийәт бирләшмилири қоюлған вәзипиләрни әмәлгә ашуруш бойичә чүшәндүрүш ишлирини жүргүзүши керәк. Чүнки вәзипиләрниң һәрбири Ассамблея мәхсәтлиригә, мәмликитимиздә течлиқ вә разимәнликни сақлап қелишқа уттур җавап бериду.

67 рет

көрсетілді

0

пікір
Алдыңғы мақала Үмүт әта қилған Норуз
Келесі мақала Узақ муддәтлик һәмкарлиқ һули

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы