• Асасий мақалилар
  • 29 Наурыз, 2018

Мәркизий Азияниң турақлиқ тәрәққиятиға қарап

15-мартта Астанада Мәркизий Азия дөләтлири рәһбәрлириниң иш бабидики (мәслиһәт) учришиши болуп өтти. Нурсултан Назарбаев учришиш қатнашқучилирини қобул қилип, ички регионлуқ мәсилиләрни һәл қилиш үчүн мунтәзим иш бабидики мәслиһәтләрни өткүзүш тәшәббусиниң Өзбәкстан Президенти Шавкәт Мирзиёевқа тәәллуқ екәнлигини тәкитлиди. Қазақстан Президенти өз сөзидә жуқури дәриҗидики мундақ мәслиһәт учришишлирини өткүзүшниң әвзәлликлиригә тохталди, Мәркизий Азия мәмликәтлириниң ихтидирини бирләштүрүшниң, ички регионлуқ содини көпәйтишниң, регионлуқ бехәтәрликни тәминләшниң вә хәлиқләрни йеқинлаштурушниң муһим екәнлигини тәкитлиди. Дөләт рәһбири кейинки жилларда регион мәмликәтлири оттурисидики дөләтләрара һәмкарлиқни мустәһкәмләш җәрияниға иҗабий баһа берип, барлиқ Мәркизий Азия мәмликәтлири рәһбәрлириниң алаһидә күч чиқарғанлиғини тәкитлиди. Нурсултан Назарбаев шуниң билән биллә Мәркизий Азияниң регионниң йетәкчи мәмликәтлири болған Россия вә Хитай билән алақиларни техиму күчәйтишниң зөрүр екәнлигини атап көрсәтти. Учришишта сөзгә чиққан Қирғизстан Президенти Сооронбай Жээнбековму өзара пайдилиқ һәмкарлиқни йолға селишниң муһим екәнлигини тәкитлиди. Таҗикстан Президенти Эмомали Рахмон болса, транзит-транспорт ихтидарини тәрәққий әткүзүш, су вә энергетика ресурслирини пайдилиниш, мәдәний өзара һәрикәт вә регионлуқ бехәтәрликни күчәйтиш мәсилилиригә тохталди. Өзбәкстан Җумһурийитиниң Президенти Шавкәт Мирзиёев сода-ихтисадий һәмкарлиқни, регионлуқ бехәтәрлик вә турақлиқни тәминләш саһасида дөләтләрара өзара һәрикәтни күчәйтишниң муһим екәнлиги тоғрилиқ гәп қилди. Түркмәнстан Меджлисиниң рәиси Акджа Нурбердыева Президент Гурбангулы Бердымухамедовниң иш бабидики учришиш қатнашқучилириға йоллиған хетини оқуп бәрди. Учришишта Президентлар Норуз мәйрими мунасивити билән бирләшкән билдүрүш қобул қилди. Новәттики учришишни келәр жили Ташкәнттә өткүзүш көздә тутулуватиду. *** Мәркизий Азия дөләтлири рәһбәрлириниң иш бабидики учришиши даирисидә Нурсултан Назарбааев Өзбәкстан Президенти Шавкәт Мирзиёев, Қирғизстан Президенти Сооронбай Жээнбеков, Түркмәнстан Меджлиси комитетиниң рәиси Сердар Бердымухамедов билән иккитәрәплимә учришишларни өткүзди.

120 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы