• Асасий мақалилар
  • 29 Наурыз, 2018

Нурсултан Назарбаев Ши Җиңпинға Хитай Хәлиқ Җумһурийити Рәиси лавазимиға қайта сайлиниши мунасивити билән тәбрик телеграммисини әвәтти.

Дөләт рәһбири Қазақстан хәлқиниң вә шәхсән өзиниң намидин Ши Җиңпинни Хитай Хәлиқ Җумһурийитиниң Рәиси лавазимиға қайта сайлиниши мунасивити билән тәбриклиди. Қазақстан Президенти бу вақиәниң Хитай хәлқиниң Ши Җиңпинниң мәмликәтниң миллий мәнпийәтлирини илгирилитиш ишиға қошқан һәссисини жуқури баһалаш болуп һесаплинидиғанлиғини тәкитлиди.«Сизниң рәһбәрлигиңиздә Хитайниң оттура тәрәққиятқа җәмийәт қуруш йолида чоң чоққиларға йетидиғанлиғиға ишинимән. Келәчәктә Қазақстан вә Хитай оттурисидики түрлүк саһалардики стратегиялик һәмкарлиқниң җошқун тәрәққиятини давамлаштуридиғанлиғиға, хәлиқлиримиз оттурисидики достлуқниң техиму күчийидиғанлиғиға һечқандақ шәк-шүбһә туғдурмаймән. Әйнә шуниңға бағлиқ бизниң ишәнчә вә өзара чүшәнчигә асасланған шәхсий достлуғимизму алаһидә әһмийәткә егә. Бизниң мунасивәтлиримиз билән бирләшкән ишимизниң буниңдин кейинму Астана вә Беҗинниң үнүмлүк һәмкарлиғи үчүн пухта асас болидиғанлиғиға ишинимән», дейилиду телеграммида. Нурсултан Назарбаев Ши Җиңпинға саламәтлик вә бәхит-саадәт, достанә Хитай хәлқигә болса, паравәнлик вә тәрәққият тилиди.

47 рет

көрсетілді

0

пікір
Алдыңғы мақала Мәркизий Азияниң турақлиқ тәрәққиятиға қарап
Келесі мақала Тәбрик телеграммилирини йоллиди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *