• Тарихтин учур
• 05 Сәуір, 2018

Тәшәббускарлар — жут яшлири

1918-жили уйғур хәлқиниң бешиға чүшкән “ату” паҗиәси Қорам йезисиниму айлинип өткини йоқ. Гунасиз етилип кәткән адәмләрниң «үнсиз садаси» һелиму бизниң қулиғимизға аңланмақта. Қорамда 1993-жили педагог-рәссам Диас Қурбановниң лайиһиси бойичә «Ату» паҗиәсиниң 75 жиллиғиға даир «Үнсиз сада» намлиқ ядикарлиқ орнитилған еди. Бийил жут яшлири униң реставрация ишлирини өз қолиға елип, җамаәтчиликниң қоллап-қувәтлиши билән «Ату» паҗиәсиниң 100 жиллиғини атап өтүшкә күч салмақта. Йезилиқ уйғур этномәдәнийәт мәркизиниң рәиси Адилҗан Мәсимовниң вә чоң жигитбеши Қурванҗан Исламовниң рәһбәрлигидики яшлар, жут ақсақаллириниң қоллап-қувәтлиши билән бу ишларниң тәңдин-толисини пүтәрди. Жут әһлиму қолидин кәлгиничә маддий вә мәнивий һәм җисманий ярдимини көрсәтмәктә. Риад ҚУРБАНОВ. Әмгәкчиқазақ наһийәси.