• Әхбаратлар еқими
  • 05 Сәуір, 2018

Мунасиплар мукапатланди

Шәмшидин АЮПОВ, “Уйғур авази”/ 27-март – Хәлиқара театр күни һарписида М.Лермонтов намидики дөләт академиялик рус драма театри бенасида Қазақстан Җумһурийити Мәдәнийәт вә спорт министрлигиниң қоллап-қувәтлиши билән «Қазақстан Театрлары Ассоциациясы» тәсис қилған «Сахнагер-2018» миллий театр мукапитиниң лауреатлири тәғдирләнди. Тәнтәнә башлиништин бурун, Қазақстан Театрлири Ассоциациясигә әза театр коллективлири рәһбәрлириниң аммивий әхбарат васитилири вәкиллири билән мәтбуат конференцияси өткүзүлди. Шуниңдин кейин тәнтәнилик кәч башлинип, он йәттә номинация бойичә елимиздики әлликтин ошуқ театр коллективлиридин талланған хадимларға иҗадийәттики қолға кәлтүргән утуқлири үчүн мукапатлар тапшурулди. Хошал боларлиғи шуки, бу қетим мәзкүр мукапатқа Қ.Ғоҗамияров намидики дөләт академиялик Уйғур музыкилиқ-комедия театриниң актерлири Гүлбаһар Насирова билән Муһидин Варисов сазавәр болди. «Мәдениет қайраткері» бәлгүсиниң саһиби Гүлбаһар Насирова Уйғур театри репертуариниң тәрәққиятиға қошуватқан төһписи, театрниң иҗадий паалийитини кәң тәрғип қилиштики әмгиги, шундақла 2017-жилқи җумһурийәтлик миллий театрлар фестивали йәкүни бойичә И.Зәйниевниң «Әмәнниң аччиқ һиди» (татар тилидин тәрҗимә қилған Г.Насирова, режиссери М.Һезимов) драмисидики Разийә роли үчүн «Ең үздік екінші план актрисасы» номинацияси бойичә «Сахнагер -2018» статуэткиси, диплом һәм бир миллион тәңгә билән тәғдирләнди. Бирқатар сәһнә әсәрлиридә өзигә хас маһарәт билән һәрхил образлар яритиватқан һәм келәчигидин чоң үмүт күткүзидиған яш актер Муһидин Варисов болса, «Үміт» номинацияси бойичә диплом вә икки йүз миң тәңгә билән тәғдирләнди. Кәч давамида «Astana Musіkal» дөләт театри коллективи, «Астана сазы» фольклорлуқ ансамбли, Уйғур театри йенидики «Рухсарә» уссул ансамбли вә башқа иҗадий коллективлар өз һүнәрлирини намайиш қилди.

46 рет

көрсетілді

0

пікір
Алдыңғы мақала Улуқ мәдәнийәтләрниң қериндашлиқ томури
Келесі мақала диққәткә сазавәр хәвәрләр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *