• Әхбаратлар еқими
  • 05 Сәуір, 2018

Евроиттипақ журналистларни тәклип қилиду

Қазақстан журналистлири Европа Иттипақи ишиниң механизмлири тоғрилиқ яхширақ билиш үчүн Брюссельда кәспий тәҗрибидин өтүш имканийитигә егә болиду. Европа Иттипақиниң Қазақстандики вакаләтханиси “Қазмедиа” медиамәктиви билән бирликтә Қазақстан Җумһурийитиниң Әхбарат вә коммуникацияләр министрлигиниң қоллап-қувәтлишидә “ЕИ – ҚҖ: шериклик вә һәмкарлиқта өткән 25 жил” конкурсиға һөҗҗәтләрни қобул қилишниң башланғанлиғи тоғрилиқ елан қилди. Конкурста ғалип чиққанлар Брюссельда тәҗрибидин өтүп, ЕИниң баш институтлириниң паалийити билән йеқиндин тонушуш имканийитигә егә болиду. Европа Иттипақиниң Қазақстан Җумһурийитидики вакаләтханиси сәясәт, мәтбуат вә әхбарат бөлүминиң башлиғи Золтан Салаиниң Мәркизий коммуникацияләр хизмитидә болуп өткән мәтбуат конференциясидә тәкитлишичә, Европа Иттипақи Қазақстан билән Мәркизий Азиядә мундақ конкурсни биринчи қетим өткүзүватиду. Биз Қазақстан вә Мәркизий Азиядә Европа Иттипақида неминиң йүз бериватқанлиғи, қандақ қарарларниң немә үчүн қобул қилиниватқанлиғи тоғрилиқ әхбаратқа қизиқиватқанлиғини көрүватимиз. Бу тоғрилиқ сөзләп бериш үчүн журналистлар мошу қурулумниң қандақ ишләватқанлиғини чүшиниши керәк. Тәҗрибидин өтүш пәқәт ЕИниң барлиқ институтлирини зиярәт қилиш имканийитила әмәс – биз шундақла аммивий әхбарат васитилири вәкиллириниң җәриянни өз көзи билән көрүшини халаймиз. Шундақла журналистларниң бу йәрдә вә Брюссельда ЕИ тоғрилиқ әхбарат елиш үчүн қандақ мәнбәләрдин пайдилиналайдиғанлиғини көрситишни нийәт қиливатимиз, – дәп тәкитлиди Золтан Салаи. Һазир конкурс башланди, униңға һөҗҗәтләрни қобул қилиш 30-апрельғичә давамлишиду (мәлуматларни медиамәктәпниң сайтидин елишқа болиду), намзатларни таллаш 18-майғичә аяқлишиду. Брюссельда тәҗрибидин өтүш программиси бәш күнгә молҗалинип, журналистлар Европа Парламентини, Еврокомиссияни, Европа ташқи алақилар хизмитини зиярәт қилиду, мәтбуат конференциялиригә қатнишип, журналистлар билән сөһбәтлишәләйду.

472 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы