• Йеңилиқлар
• 05 Сәуір, 2018

“Мустәқиллик дәври” Москвада тонуштурулди

Қазақстан Җумһурийитиниң Тунҗа Президенти – Милләт Лидери Фондиниң қоллап-қувәтлиши билән Қазақстанниң Россия Федерациясидики әлчиханиси Москвада Нурсултан Назарбаевниң “Мустәқиллик дәври” китавини тонуштурди. Мәзкүр чарә-тәдбир даирисидә Қазақстан вә Россия пайтәхтлири оттурисида телекөрүк өткүзүлди.Тонуштуруш мәрасимида икки мәмликәт экспертлири пәқәт мустәқил Қазақстанниң шәкиллиниш тарихи тоғрилиқ һекайә қилипла қоймай, бәлки қандақ қарарларниң мәмликәтни тәрәққиятниң жуқури дәриҗисигә елип чиқиш имканийитини бәргәнлигини толуқ ачидиған мәзкүр фундаментал әмгәк һәққидә пикир елишти. Мәлумки, 2017-жили Қазақстанда дәсләпки қетим тонуштурулған китапни һәқлиқ түрдә мустәқиллик қамуси дәп атайду. Униңда һәқиқәтәнму суверен дөләт қурулушиниң басқучлири ениқ ечип көрситилип, мәмликәтниң йеңи тарихидики барлиқ ярқин вә әһмийәтлик вақиәләр өз әксини тапти. Әнди телекөрүк қатнашқучилири болса, Нурсултан Назарбаевниң йеңи әмгигиниң һазирқи дөләт башқурғучилириниң күндилик қолланмисиға айлиниши керәклигини тәкитлиди. Москва вә Астана телекөрүгигә Қазақстан Җумһурийити ташқи ишлар министриниң орунбасари Ғалымжан Қойшыбаев, Ингушетияниң биринчи президенти Руслан Аушев, Россия Федерацияси Президентиниң хәлиқара мәдәний һәмкарлиқ бойичә мәхсус вәкили Михаил Швыдкой, Қазақстан Җумһурийити Президенти Телерадио комплексиниң баш мудири Ерлан Бекхожин, Тунҗа Президент Фонди йенидики Дуния ихтисади вә сәясити институтиниң мудири Ерлан Салтыбаев, Л.Гумилев намидики Евразия миллий университети ҚХА кафедрисиниң мудири Анатолий Башмаков вә башқа экспертлар қатнашти. Москвада китапни тонуштуруш даирисидә, шундақла “Астана – Улуқ дала мәрвайити” фотокөргәзмиси уюштурулди.