• Әхбаратлар еқими
• 05 Сәуір, 2018

Дөләт рәһбириниң почтисидин

Президент Нурсултан Назарбаевниң намиға Хитай Хәлиқ Җумһурийитиниң Рәиси Ши Җиңпиндин тәшәккүрнамә кәлди.ХХҖ Рәиси хетидә өзиниң қайта сайлиниши мунасивити билән әвәтилгән тәбрик телеграммиси үчүн сәмимий миннәтдарлиқ билдүриду вә Хитай билән Қазақстанниң яхши хошнилар һәм һәртәрәплимә стратегиялик шерикләр екәнлигини тәкитләйду. Сизниң дана рәһбәрлигиңиздә мәмликитиңлар иҗтимаий уйғунлуқ вә турақлиқни сақлаш, ихтисатни тәрәққий әткүзүш, хәлиқниң паравәнлигини яхшилаш ишида чоң утуқларға йәтти. Бүгүнки таңда Қазақстан хәлиқара мәйданда чоң абройға егә. Мән иккитәрәплимә алақиларниң тәрәққиятиға алаһидә әһмийәт беримән, бизниң үнүмлүк алақилиримиз вә чоңқур достлуғимизни қәдир тутимән. Хитай-Қазақстан оттурисидики һәртәрәплимә стратегиялик шерикликни мәмликәтлиримиз вә хәлиқлиримиз пайдиси үчүн йеңи дәриҗигә елип чиқиш үчүн бирлишип күч чиқиришқа тәйяр екәнлигимни билдүримән. Шанхай һәмкарлиқ тәшкилатиниң саммитида Сиз билән йәнә учришишни тақәтсизлик билән күтүватимән, – дейилиду Ши Җиңпинниң хетидә.