• Әхбаратлар еқими
  • 12 Сәуір, 2018

Мәктәптики «Көк чөшүрә» мәйрими

Зимистан қиш кетип, әтияз кәлгәндә, тәбиәт билән биллә тирик җанниң һәммиси ойғиниду. Болупму биз, адәмләр, үчүн бу әҗайип бир мәзгил. Шуңлашқиму әҗдатлиримиз әзәлдин бу күнләрни дағдуғилиқ қарши алған екән. Шуларниң арисида «көк чөшүрә» мәйрими алаһидә диққәткә сазавәр. Йеқинда нәқ шундақ баһар тәнтәниси Әмгәкчиқазақ наһийәси, Қизил Шәриқ йезисидики Мухтар Әвезов намидики оттура мәктәптә болуп өтти. Мәйрәмгә Әмгәкчиқазақ наһийәлик Уйғур этномәдәнийәт мәркизиниң Қизил Шәриқ йезисидики шөбисиниң вәкили Тиллабүви Тохтахунова, Ханим-қизлар кеңишиниң рәиси Бусарәм Пәрһатова, пешқәдәм устазлар Қурванбүви Азнибақиева, Гүлбәһрәм Имрәмзиева вә башқилар меһман сүпитидә тәклип қилинди. Баһар мәйримини ачқан ушбу билим дәргаһиниң мудири Тилеухан Орынбасарова мусулман әһли алаһидә әтивалайдиған Норуз мәйримигә, униң тарихиға қисқичә тохтилип, уйғур хәлқиниң әмгәкчанлиғи, тиришчанлиғи вә меһмандостлуғини алаһидә тилға алди. Мудир йезида истиқамәт қиливатқан хәлиқләр арисидики достлуқ риштилири һәққидиму иллиқ сөзләрни ейтти. Тәнтәнә давамида уюштурғучи устазлар көп әсирлик тарихқа егә болған уйғур хәлқиниң мәдәнийити, сәнъити вә әдәбияти, униң тәрәққияти, уйғур таамлириниң түрлири охшаш мавзулар әтрапида өз пикирлири билән ортақлашти. Мәйрәмниң мавзуси көк чөшүригә беғишланғанлиқтин, бединиң вә униңға қошидиған қошумчә көктатларниң адәм саламәтлигигә пайдиси, әҗдатлиримизниң мошу өсүмлүкләрни таллавалғанлиғи вә уларниң һазирму өзиниң әһмийитини йоқатмиғанлиғи һәққидиму ейтилди. Шундақла уйғур хәлқиниң һәрхил таамлири, кийимлири, урпи-адәтлири көргәзмиси уюштурулди. Нурванәм ШӘМИЕВА, М.Әвезов намидики оттура мәктәпниң рус тили вә әдәбияти пәнлириниң муәллими. Әмгәкчиқазақ наһийәси.

80 рет

көрсетілді

0

пікір
Алдыңғы мақала «Хапилиғи бир қәдәм балилар»
Келесі мақала диққәткә сазавәр хәвәрләр

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы