• Әдәбият гүлзари
• 26 Сәуір, 2018

Мәктәптики «Или» мәшриви

Йеқинда Уйғур наһийәсиниң Ғалҗат йезисидики оттура мәктәптә 8-синип оқуғучилириниң уюштуруши билән «Или мәшриви» өткүзүлди. Мәшрәптә оқуғучилар синипдашлири арисида тәртипсиз яки сәвәпсиз дәрис ташлиғанларни бейитлар арқилиқ мәсхирә қилип, аччиқ күлкә қамчиси астиға алди. Синип йетәкчиси Гүлмира Тохтәмованиң рәһбәрлигидә уюштурулған мәзкүр чарә-тәдбиргә җиддий тәйярланған оқуғучилар шундақла «Гүл чай» оюниниму жуқури маһарәт билән орунлап, өзлириниң һүнирини намайиш қилди. Ахирида мәзкүр мәрасимниң жуқури дәриҗидә уюштурулғанлиғини тилға алған мәктәп мудири Мәһәмәтҗан Абдурусулов униң тәшәббускарлириға мәктәп мәмурийити намидин миннәтдарлиқ билдүрди. Нураждин НУРАЛИМОВ, Ғалҗат оттура мәктивиниң оқуғучиси. Уйғур наһийәси.