• Йеңилиқлар
  • 26 Сәуір, 2018

Улуқ әдип тәвәллудиға беғишланди

Астанада Хәлиқара түрк академиясиниң уюштуруши вә Қазақстан Җумһурийити Президенти Мәмурийитиниң қоллап-қувәтлиши билән атақлиқ қирғиз язғучиси Чиңғиз Айтматовниң 90 жиллиғиға беғишланған хәлиқара форум болуп өтти.Көплигән әвлат вәкиллири Чиңғиз Айтматовниң әсәрлирини оқуп чоң болди. Униң қәһриманлири вә әсәрлири һәрбир китапханға йеқин. Һазирқи вақитта язғучи қолязмилириниң қиммити ашмақта. Паклиқ, пикир вә роһниң уйғунлуғи – булар һәрқандақ вақитта инсанийәт үчүн муһим мәсилиләр. Әнди Чиңғиз Айтматовниң философияси болса, көп җәһәттин “Рухани жаңғыру” программисиниң идеялиригә охшап кетиду, – деди Қазақстан Җумһурийити Президентиниң Мәмурийити Ички сәясәт бөлүминиң башлиғи Аида Балаева форумни ечиш мәрасимида. Улуқ әдипниң иҗадийитини вә униң умумән дуния мәдәнийитигә болған тәсирини муһакимә қилиш форумниң асасий мавзуси болди. Форум даирисидә қирғиз режиссери Артықбай Суюндуковниң “Айтматов” намлиқ фильми, шундақла Қирғиз Җумһурийитиниң сабиқ дөләт кативи Османакун Ибраимовниң “Айтматов” намлиқ китави тонуштурулди. Чиңғиз Айтматов – улуқ қирғиз язғучиси. Өз вақтида экспертлар униңға “инсанийәткә тәәллуқ язғучи” дәп баһа бәргән еди. Чиңғиз Айтматов “Биринчи муәллим”, “Җәмилә”, “Әсирдинму узақ күн”, “Әлвида, Гүлсары”, “Ана йәр Ана”, “Ақ кемә”, “Мойтуңза”, “Кассандра тамғиси” вә башқиму китапханлар сөйүп оқуйдиған көплигән повесть вә романларниң муәллипидур.

54 рет

көрсетілді

0

пікір
Алдыңғы мақала Тәрәққият басқучлирида
Келесі мақала ҚХА – достлуқ билән разимәнликниң рәмзи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *