• Әхбаратлар еқими
  • 26 Сәуір, 2018

Биз ҖУЭМниң лайиһисини қоллаймиз

Қазақстан Җумһурийитиниң Президенти Нурсултан Назарбаев өзиниң «Келәчәккә нишан: мәнивий йеңилиниш» намлиқ программилиқ мақалисида 2025-жилғичә қазақ тилини пәйдин-пәй толуғи билән латин алфавитиға көчириш вәзиписини қойди. Әлвәттә, қазақстанлиқ уйғурлар алдидиму мошу муһим мәсилә туриду. Бүгүнки күндә «Уйғур авази» гезитиниң сәһипилиридә, һәрхил баш қошушларда латин йезиғиға көчүш мәсилиси кәң түрдә муһакимә қилинмақта.Мәлумки, Алмута шәһиридики «Достлуқ өйидә» җумһурийәтлик Уйғур этномәдәнийәт мәркизиниң уюштуруши билән латин алфавитиға көчүш бойичә кәңәйтилгән мәҗлис өтүп, униңда алимлиримиз тәрипидин тәвсийә қилған латин графикиси асасидики лайиһиләр муһакимә қилинди. Бизниң пикримизчә, Қазақстанда яшаватқан уйғурлар үчүн лайиқ дәп тепилған лайиһини таллавалғинимиз тоғра. Шундақла латин графикиси асасидики уйғур алфавитини қобул қилишта қазақ латин алфавитини асас қилғинимиз муһим дәп ойлаймиз. Чүнки бизниң латин йезиғидики уйғур тили қазақ латин графикиси асасида шәкиллиниши керәк. Биз, биринчи новәттә, ана тилида билим еливатқан балилиримизни көздә тутушимиз лазим. Келәчәктә дәрисликләрни чиқириш, муәллимләрниң тәйярлиқ курслири охшаш муһим мәсилиләрниму әстин чиқармаслиғимиз керәк. Биз, муәллимләр, тилимизниң барлиқ қанун-қаидилиригә мувапиқ түзүлгән лайиһини таллавелишимиз шәрт, дәп ойлаймиз. Йеқинда гимназиямиздә өткән муәллимләр кеңәшмисидә коллектив үлгиси “Уйғур авазида” берилгән шәриқшунас алим, Қазақстан Җумһурийити Парламенти Мәҗлисиниң депутати, ҖУЭМ рәиси Шаһимәрдан Нурумов тәрипидин түзүлгән лайиһини бир еғиздин қоллап-қувәтлиди. Гүлбәрәм ЕЛӘМОВА,Ранигүл ИЛИЕВА,Райхан ҺАШИМОВА,А.Розибақиев намидики 153-мәктәп-гимназияниң уйғур тили вә әдәбияти пәни муәллимлири. Алмута шәһири.

168 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы