• Йеңилиқлар
  • 26 Сәуір, 2018

“Единая Россия” вәкиллири билән учрашти

“Нур Отан” партияси Рәисиниң биринчи орунбасари Мәулен Әшимбаев елимизгә мәхсус кәлгән Россияниң “Единая Россия” партиясиниң вәкиллири билән учрашти. Хошна мәмликәтниң делегациясигә мәзкүр партия Баш кеңиши кативиниң орунбасари, Россия Федерацияси Дөләт думисиниң депутати Сергей Железняк рәһбәрлик қилди.Россияниң партиявий делегациясигә шундақла Дөләт думисиниң депутатлири Расул Боташев, Алексей Воевода вә партия мәркизий комитети хәлиқара алақилар департаментиниң рәһбири Константин Петриченко вакаләтлик қилди. Мәулен Әшимбаев икки партия оттурисидики қоюқ достанә мунасивәтләрниң Қазақстан-Россияниң стратегиялик шериклигиниң жуқури дәриҗидә екәнлигини ярқин тәстиқләйдиғанлиғини тәкитлиди вә кәсипдашлирини 2018-жили 18-мартта Россия Федерацияси Президентиниң сайлимини утуқлуқ өткүзүши билән тәбриклиди. Владимир Путинниң ишәшлик ғалибийити Россия хәлқиниң униң мәмликәт тәрәққиятиға вә миллий мәнпийәтләрни илгирилитиш ишиға қошуватқан чоң һәссисини жуқури баһалишиниң испати болуп һесаплиниду. Униң Президент болуп сайлинишиниң мәмликәтлиримиз оттурисидики өзара һәрикәтниң стратегиялик дәриҗисини тәрәққий әткүзүш вә илгири қолға кәлтүрүлгән келишимләрни әмәлгә ашуруш йолиниң давамлишидиғанлиғини тәминләйдиғанлиғиға ишинимән, – деди “Нур Отан” партияси Рәисиниң биринчи орунбасари. Музакириләр давамида тәрәпләр икки мәмликәт рәһбири оттурисида қоюқ вә өзара ишәнчә мунасивәтлириниң моҗут екәнлигини тәкитлиди. Мәмликәтлиримиз оттурисида сүръәтлик сәясий диалог йолға қоюлған. Һәмкарлиқ барлиқ йөнилишләр бойичә тәрәққий етиватиду. Алақиларни күчәйтиштә икки мәмликәт президенти оттурисидики өзара ишәнчә вә достанә мунасивәтләр йетәкчи роль ойнаватиду. Бу җәһәттин бизниң партияләр президентлиримизниң үлгиси билән меңиш керәк, – дәп тәкитлиди Мәулен Әшимбаев. Учришиш даирисидә тәрәпләр партияләрара һәмкарлиқниң муһим мәсилилирини қарап чиқти, күн тәртиви бойичә пикирләшти вә йеқин истиқбалда өзара һәрикәт қилиш планлирини бәлгүлиду. Партиявий йеңилаш мәсилилири айрим муһакимә қилинди. Россия тәрәпниң вәкиллири әмәлгә ашурулған иҗтимаий вә ихтисадий лайиһиләр тоғрилиқ ейтип, һазир “Единая Россиядә” жүргүзүлүватқан ички партиявий ислаһатқа тәпсилий тохталди. Музакириләр йәкүни бойичә тәрәпләр “Нур Отан” вә“Елиная Россия” партиялири оттурисидики өзара һәрикәт вә һәмкарлиқ тоғрилиқ протоколни имзалиди.

180 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы