• Әхбаратлар еқими
  • 04 Мамыр, 2018

Интеграцияни күчәйтиш мәсилилири қаралди

Қазақстан Президенти Нурсултан Назарбаев Евразия Ихтисадий комиссияси коллегиясиниң рәиси Тигран Саркисян билән учрашти.Учришиш давамида Алий Евразия Ихтисадий кеңишиниң алдимизда өтидиған мәҗлисиниң күн тәртиви, шундақла Евразия интеграциясини техиму чоңқурлитиш мәсилилири муһакимә қилинди.Дөләт рәһбири Евразия Ихтисадий кеңиши паалийитиниң жуқури нәтиҗилири тоғрилиқ гәп қилип, башқа әлләрниң бирләшмигә болған диққитиниң өсүватқанлиғини тәкитлиди. — Өткән 2017-жил утуқлуқ болди. Мәмликәтлиримиз оттурисидики товар айлиними 27 пайиз өсти. Биз бирләшмимизгә чоң қизиқиш һасил қиливатқанлиғини байқаватимиз, һазир 40тин ошуқ мәмликәт биз билән һәмкарлиқ орнатти. Сиз билән Алий Евразия Ихтисадий кеңиши саммитиниң һарписида учришиватимиз, күн тәртивиниң барлиқ пунктлири келишилди. Биз мурәккәп мәсилиләрни, җүмлидин санкциягә мунасивәтлик мәсилиләрни муһакимә қилимиз, – деди Қазақстан Президенти. Өз новитидә Тигран Саркисян Нурсултан Назарбаевни Қазақстан Хәлқиниң бирлиги күни билән тәбрикләп, мәмликитимизниң гүллинишигә тиләкдаш екәнлигини билдүрди. Кеңәшниң тапшурмиси бойичә Сиз билән бирқатар мәсилиләрни муһакимә қилсам демәкчимән. Җүмлидин Алий Кеңәш мәҗлисини қандақ қилип хелә нәтиҗидарлиқ өткүзүп, қандақ проблемиларға алаһидә диққәт бөлүш керәклигини ениқлашқа, шундақла интеграцияни күчәйтишкә мунасивәтлик мәсилиләр бар, – деди Евразия Ихтисадий комиссияси коллегиясиниң рәиси, Учришиш ахирида Тигран Саркисян Қазақстан Президентиға Евразия Ихтисадий комиссиясиниң еқимдики ишлири тоғрилиқ әхбарат бәрди.

47 рет

көрсетілді

0

пікір
Алдыңғы мақала Өмлүк вә бирлик намайиш болған күн
Келесі мақала Йеңи мечитни зиярәт қилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы