• Әхбаратлар еқими
  • 28 Мамыр, 2018

Хошнилар вә шерикләр

Нурсултан Назарбаев Сочида Россия Федерациясиниң Президенти Владимир Путин билән учрашти. Учришиш давамида Дөләт рәһбири Владимир Путинни Россия Федерацияси Президентиниң сайлимида ғалибийәт қазиниши билән йәнә бир қетим тәбриклиди һәм җавапкәрлик лавазимда утуқ вә муваппәқийәт тилиди. – Бийил 18-мартта тарихий вақиә йүз бәрди. Сиз чоң ғалибийәт билән Россия хәлқиниң ишәнчисигә ериштиңиз. Мошу мурәккәп шараитта мундақ ишәнчиниң қәдир-қиммити бебаһа,– дәп тәкитлиди Қазақстан Президенти. Нурсултан Назарбаев сода-ихтисадий, инвестициялик вә башқа муһим саһалар билән йөнилишләрдики иккитәрәплимә һәмкарлиқниң достанә һәм қоюқ характерини тилға алди. – Қазақстан – Россия әң үлгилик мунасивәтләрдә вә интенсив ихтисадий алақиларда болуватқан әң йеқин мәмликәт. Бизниң товар айлинимимиз аз-кам 16 миллиард долларни тәшкил қилиду. Бирләшкән карханиларни вуҗутқа кәлтүрүш көпийиватиду, – деди Дөләт рәһбири. Униңдин ташқири Қазақстан Президенти икки мәмликәт оттурисидики өзара һәрикәтниң жуқури дәриҗисиниң Қазақстан-Россия мунасивәтлиридә пәйда болуватқан мәсилиләрниң нәтиҗидарлиқ һәл қилинишиға ярдәм қиливатқандиғини атап көрсәтти. – Қазақстан дайим силәрниң йениңларда. Биз дайим биллә ишләймиз вә алға илгириләп, мошу мурәккәп вақитни йеңимиз. Һазир барлиқ йөнилишләр бойичә нормал иш кетип бариду. Хошна мустәқил дөләтләр оттурисида дайим мәсилиләр пәйда болуп туриду. Биздә һөкүмәтләр вә министрликләр оттурисида қоюқ мунасивәтләр қелиплашти. Пәйда болуватқан проблемиларни хатирҗәм, һечқандақ ваң-чуңсиз һәл қилиш керәк. Биз – иттипақдашлар вә икки мәмликәтниң аммивий әхбарат васитилири шундақ йосунда ишлиши лазим, – дәп билдүрди Нурсултан Назарбаев. Владимир Путин һазир икки дөләт оттурисида түрлүк саһаларда нәтиҗидарлиқ өзара мунасивәтләрниң қелиплашқанлиғини тәкитлиди вә уларниң тәрәққиятида иҗабий җошқунлуқниң моҗут екәнлигини атап көрсәтти. Россия Федерациясиниң Президенти Қазақстанниң Россияниң пәқәт стратегиялик иттипақдишила әмәс, бәлки әң йеқин ихтисадий шериклириниң бири екәнлигини тәкитлиди. – Мәмликәтлиримиз оттурисидики мунасивәтләр утуқлуқ вә изчил тәрәққий етиватиду. Өткән жили биз ихтисатта яхши нәтиҗигә егә болдуқ – товар айлиминиң өсүши 30 пайизни тәшкил қилди. Россия Қазақстанниң йетәкчи сода-ихтисадий шериклириниң бири болуп қалиду. Шундақла Россияниң Қазақстан ихтисадиға селиватқан уттур инвестициялириниң өскәнлигини тәкитлигүм келиду, – деди Владимир Путин.

404 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы