• Йеңилиқлар
  • 28 Мамыр, 2018

Алмута вилайити һәммисигә үлгә

Дөләт рәһбири Алмута вилайитидә иш бабидики сәпәрдә болди. — Алмута вилайити, болупму аграр комплексида, һәммиси үчүн үлгә болуп һесаплиниду. Ихтисат 4,2 пайиз өсти. Йеза егилиги, қурулуш саһалири вә иҗтимаий объектларни пайдилинишқа бериш көрсәткүчлири өсти, – деди Президент Талдиқорғанда журналистлар билән болған учришишта.Шуниң билән бир вақитта Дөләт рәһбири йеқинқи истиқбалда регион алдида нурғун вәзипиләрниң туруватқанлиғини тәкитлиди. — Чүнки вилайәт ихтисади пәқәт санаәт тәрәққий әткән 3-4 наһийәгә җәмләнгән, халас. Мошу төрт наһийә регион ихтисадиниң 70 пайизға йеқинини бериватиду. Башқа наһийәләр начар тәрәққий әтмәктә. Мошуниңға диққәт бөлүш керәк, – дәп тәкитлиди Нурсултан Назарбаев. Президент шундақла Алмута вилайитиниң рәһбәрлигигә йеза егилиги мәһсулатини қайта ишләш ишини күчәйтишни тапшурди. — Кичик вә оттура тиҗарәткә әң җиддий диққәт бөлүшни давамлаштуруш керәк. Чарвичилиқ болуши керәк. Йеза егилиги мәһсулати, болупму мевә, көктат, қизилча, соя, арпа қайта ишлиниши керәк. Башқичә ейтқанда, мошу саһаларни тәрәққий әткүзүш керәк. Әң муһими – мәһсулатни қайта ишләш лазим. Бу саһадиму иш кетип бариду. Бизму ярдәмлишиватимиз. Шундақ екән, вилайәт алдида нурғун вәзипиләр туруватиду, истиқбал наһайити яхши, тәбиәт гөзәл, – деди Дөләт рәһбири. Нурсултан Назарбаев Алмута вилайитигә қилған иш бабидики сәпири давамида Үчарал шәһиридә йеңи аэропортниң паалийити вә кичик авиацияни тәрәққий әткүзүш истиқбали билән тонушти. Төмүр йол вокзалиниң йеңи бенасини көздин кәчүргәндин кейин Алакөл наһийәсиниң Ақши йезисида Нурсултан Назарбаевниң рәислигидә туризмни вә җумһурийәтниң транспорт – логистикилиқ инфрақурулумини тәрәққий әткүзүш мәсилилири бойичә кеңәшмә болуп өтти. Кеңәшмидә регион рәһбири Амандық Баталов Қазақстан Президентиға Алмута вилайитидә туризмни тәрәққий әткүзүш мәсилилири тоғрилиқ доклад қилди. – Кейинки төрт жилда вилайәттә көрситилгән туристик хизмәт көләми икки һәссә – 2014-жилқи 3,9 миллиард тәңгидин 2017-жили 8,3 миллиард тәңгигичә көпәйди. 2018-жили бу көрсәткүчни 10 миллиард тәңгигичә йәткүзүш планлиниватиду. Алакөл наһийәсидә 2017-жили көрситилгән хизмәт көләми 3,5 миллиард тәңгини тәшкил қилди, бу 2014-жилқи дәриҗидин 8 һәссә көп, – деди вилайәт һакими. Кеңәшмидә шундақла инвестицияләр вә тәрәққият министри Жеңис Қасымбек, “Национальная компания “Қазақстан темір жолы” акционерлиқ җәмийитиниң президенти, Қанат Алпысбаев мәдәнийәт вә спорт министри Арыстанбек Мухамедиулы өзлири рәһбәрлик қиливатқан саһаларниң җумһурийәттә туризмни тәрәққий әткүзүш бойичә әмәлгә ашуруватқан ишлири тоғрилиқ доклад қилди. Нурсултан Назарбаев кеңәшмә йәкүни һәм туристик кластер объектлирини зиярәт қилиш бойичә мәркизий дөләт вә йәрлик иҗраий органларға мәмликәттә туризмни техиму тәрәққий әткүзүш бойичә бирқатар ениқ тапшурмиларни бәрди. Президент андин кейин Талдиқорған шәһиридә Atameken business city көргәзмә комплексини зиярәт қилди, вилайәт тиҗарәтчилириниң вәкиллири билән учрашти, шундақла йеңи Тәнтәниләр сарийини зиярәт қилди. Дөләт рәһбири Алмута вилайитигә қилған иш бабидики сәпириниң йәкүни бойичә аммивий әхбарат васитилириниң вәкиллири үчүн брифинг өткүзди.

36 рет

көрсетілді

0

пікір
Алдыңғы мақала Муһим мәсилиләр муһакимә қилинди
Келесі мақала Президент Ғәрбий Қазақстан вилайитидә болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы