• «Уйғур авазиниң» сәйилгаһи
  • 31 Мамыр, 2018

Рәңчилик һәққидә

Рәңчилик мәдәнийити биздә миладидин хелә бурунла барлиққа кәлгән. Қумулдики Қара дөвә харабисидин миладидин илгәрки 1200-жилларға тәәллуқ рәңлик жуң тоқулмилардин сәккиз рәңлик жиптин тоқулған жуң чәкмән, Тоққуз сарай харабисидин қизил, көк, сериқ, ақ рәңләр арилаштурулуп чүширилгән җүҗә сүрити, шаптул чечиги кәштиләнгән жуң паласлар, Нийә харабисидин буниңдин 3800 жил муқәддәм тоқулған палас, үзүм сүрити чүширилгән чәкмән, кәштилик әйнәк қепи, пәрдаз қутиси вә хилму-хил рәңдар жиплар тепилған. Мошуниң һәммиси – хәлқимизниң рәңчилик тарихиниң ярқин ипадиси.Уйғурлар шаптул, жулғун чечәклири, анар гүли, анар, җигдә, тухумәс постлири, үҗмә, өрүк қовзақлири, сериқ сәйдә вә кевәз ғозилири, зак, зәмчә, катан, иш үзүми, таҗигүл, азған қатарлиқ гүл-гиялар билән уларниң чечәклиридин һәр түрлүк рәңләрни барлиққа кәлтүргән. Шундақла һәрхил рудиларни мәнбә қилип, шаптул чечиги, гөш, занка, анаргүли қатарлиқ рәңләрни яратқан. Хәлқимиз рәң ишләш җәһәттин хилму-хил усулларни қолланған. Мәсилән, тухумәс гүли, қариқат, алқат, ақ янтақ уруғи бирикмисидин – қара-көк рәң, ақ терәк пори, қариғай йелими, һәшқипичәк гүли вә нөшүдүр бирикмисидин – ақ рәң, азған уруғидин, зириқ уруғидин, ишт үзүми вә таҗигүл чечиги бирикмисидин – қизил рәң, пияз постидин – йешил-көк рәң, ордан билән яңақ постидин – җигәр рәң ишләп чиққан. Әҗдатлиримиз шундақла һәрхил пәрдаз буюмлирини ясашқиму маһир болуп, ләв сурух, мәңиз сурух, қашлиқ, чач мейи қатарлиқларни хелә бурунла кәшип қилған. Шинҗаң хәлиқ радиостанцияси.

52 рет

көрсетілді

0

пікір
Алдыңғы мақала Көзәйнәкни күтүш усуллири
Келесі мақала Дәл-дәрәқләрни асрайли

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы