• Әхбаратлар еқими
• 31 Мамыр, 2018

Тәрбийә бағчидин башлиниду

Сабирәм ӘНВӘРОВА, «Уйғур авази»/ Йеқинда Уйғур наһийәсиниң Ават йезисида әллик орунлуқ йәнә бир шәхсий балилар бағчисиниң лентиси қийилди. У «Тамерлан» дәп атилипту. Бағчә пешқәдәм устаз Муһәббәт Әйсарованиң тәшәббуси билән ечилип, униңға оғли Тимур билән келини Зарина рәһбәрлик қиливетипту.– Бағчә билән мәктәп бир-биригә мунасивәтлик. Көп жиллар маарип саһасида ишлигәнликтин, буни яхши чүшинимән, – дәп сөзини башлиди бағчиниң тонуштуруш мәрасимида сөзгә чиққан Муһәббәт Абдурешит қизи. – Мәктәпләрдики ихчам мәркәзләрниң йепилип кетиши түпәйлидин оқуғучиларға синип йетишмәйватқанлиғи ениқ. Әгәр мәктәптики ихчам мәркәзләр йепилип кәтсә, балиларға бағчә керәк болидиғанлиғи тәбиий. Шуңлашқа әйнә шу бошлуқни толтурғум кәлди. Бу бағчиниң орнида илгири тойхана болған. Тойхана билән бала тәрбийиләйдиған дәргаһни селиштурғили болмас. «Тәрбийә бөшүктин башлиниду» демәкчи, балилар бағчиси – худди мәктәпкә охшаш муқәддәс дәргаһ. Шуниңдин кейин йеңи бағчиниң рәмзлик лентиси қийилип, меһманлар бенаниң ичини көздин кәчүрди.