• Әхбаратлар еқими
• 31 Мамыр, 2018

Депутатларға мукапат тапшурулди

Йеқинда Алмута вилайәтлик һакимийәт өйидә вилайәтлик мәслиһәтниң новәттики XXXІ сессиясиниң баш қошуши болуп өтти. Униң күн тәртивидә бирнәччә муһим мәсилиләр қарилип, ахирида «Біздің депутат» жумһурийәтлик җәмийәтлик-сәясий гезитиниң 2017-жили жүргүзгән рейтинг нәтиҗилири бойичә Алмута вилайәтлик мәслиһәтниң кативи Султан Мырзабекулыға «Үздік мәслихаттың хатшысы», вилайәтлик мәслиһәтниң депутати Жанкелди Көшимбайулы Осанға «Үздік депутат» атиғи берилди. Исми аталған шәхсләргә мукапатларни «Біздің депутат» вә «Тәуелсіздіктің ақ таңы» гезитлириниң баш муһәррири Эльмира Сегизбаева тапшурди. Шуни алаһидә тәкитләш керәкки, тиҗарәтчи Жанкелди Көшимбайулы хәйри-сахавәтлик ишлири билән көпчиликниң һөрмәт-еһтирамиға бөләнгән инсан. У һәр жили дегидәк турмуши начар аилиләргә қолидин келишичә ярдәм қилиду. Шундақла у узун жиллардин буян йеза турғунлирини иш билән тәминләп кәлмәктә. Әву бир жили қелин қар йеғип, наһийәниң мәркизий һәм асасий йезилириға кирип-чиқиш йоллири йепилип қалғанда, Жанкелди Көшимбайулыниң күч чиқириши түпәйли бу қийинчилиқлар чапсан һәл болған еди. Пурсәттин пайдилинип, Жанкелди Көшимбайулыни мукапити билән сәмимий тәбрикләп, ишиға утуқ-муваппәқийәтләр тиләймиз. Абдулҗан АЗНИБАҚИЕВ. Әмгәкчиқазақ наһийәси.