• Әхбаратлар еқими
  • 31 Мамыр, 2018

Йеңи қаидиләр қобул қилинди

Қазақстан Җумһурийитиниң Билим вә пән министрлиги мәмликәттә биринчи синипқа қобул қилишниң йеңи қаидилирини қобул қилди. Министрликниң хәвәр қилишичә, типлиқ қаидиләргә мувапиқ, башланғуч, асасий, умумоттура билим бериш программилирини орунлаватқан билим бериш тәшкилатлири, тәйярлиқ дәриҗисидин қәтъий нәзәр, билим бериш тәшкилати хизмәт қиливатқан территориядә яшаватқан барлиқ йәттә яшлиқ балиларни вә бийилқи календарьлиқ жилда алтә яшқа киридиған балиларниң биринчи синипқа қобул қилинишини тәминләйду. – Бийил сентябрь – декабрьда туғулған балилар биринчи синипқа баралайду, чүнки улар календарьлиқ жилниң ахириғичә толуқ алтә яшқа кириду вә мәктәпкә қобул қилиниш һоқуқиға егә болиду. Буниңда ата-аниларниң башқа билим бериш тәшкилатини таллавелиш һоқуқи бар, – дәп тәкитлиниду Билим вә пән министрлигиниң хәвиридә. Шундақла бала билим бериш тәшкилатиға оқушқа қобул қилинмиған әһвалда, ата-анилар яки балиниң башқа қануний вәкили турушлуқ җайи бойичә йәрлик билим бериш башқармиси органлириға мураҗиәт қилалайду. Шуни әслитип өтүмизки, һөҗҗәтләрни қобул қилиш 1-июньда башлинип 30-августқичә давамлишиду. Балиларни биринчи синипқа қобул қилиш үчүн тәләп қилинидиған һөҗҗәтләр тизимидин турушлуқ җайдин берилидиған ениқлима елип ташланди.

398 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы