• Әхбаратлар еқими
  • 31 Мамыр, 2018

ҚХА кафедриси ечилди

Йолдаш МОЛОТОВ, “Уйғур авази”/ Өткән һәптидә Абай намидики Қазақ миллий педогогика университетида алимлар, студентлар, миллий мәдәнийәт мәркәзлири вәкиллириниң қатнишиши билән Қазақстан хәлқи Ассамблеяси кафедрисиниң ечилиш тәнтәниси болуп өтти. Униң давами ҚХАниң ХХVІ сессиясиниң нәтиҗилиригә вә Президент Н.Назарбаевниң Бәш иҗтимаий тәшәббусиға беғишланған «дүгләк үстәлгә» улашти.Тәнтәнини ҚХА Рәисиниң орунбасари — Кативат рәһбири Леонид Прокопенко ачти. Президентниң Бәш иҗтимаий тәшәббуси һазир хәлиқ арисида қизғин муһакимә қилиниватиду, — деди Леонид Прокопенко. — Дөләт рәһбири Ассамблеягә «Нур Отан» партияси билән бирликтә мошу тәшәббусларни әмәлгә ашурушқа кәң хәлиқ аммисини җәлип қилип, назарәткә елишни тапшурди. Чүнки ҚХАниң чоң иҗтимаий ресурси вә тәрәққий әткән инфраструктуриси моҗут. Мәлумки, ҚХА тәркивидә 1071 миллий мәдәнийәт мәркәзлири, 5 миңға йеқин җәмийәтлик разимәнлик вә анилар кеңәшлири, 39 Достлуқ өйи, 800 медиация бөлмилири, он бәш тилда чиқидиған 52 нәшир бар. 15-мартта «Жаңғыру жолы» ҚХАниң яшлар һәрикитини қуруш қарари қобул қилинди. Алдимизға қоюлған вәзипиләрни орунлаш үчүн җумһурийәтлик илмий-экспертлиқ кеңәш вә 16 регионаллиқ илмий-экспертлиқ топ тәшкил қилинди. Елимизниң алий оқуш орунлирида 35 ҚХА кафедриси вә 3 мәркәз ишләватиду. Бүгүн елимиздики чоң оқуш орни һесаплинидиған Абай намидики миллий педогогика университетида ҚХА кафедрисини ечиватимиз. Мошу тәшәббусни қоллап-қувәтлигән университет ректори Такир Балыкбаевқа миннәтдарлиқ изһар қилмақчимән. Һәммимизгә мәлум, ҚХА кафедрилири қазақстанлиқ вәтәнпәрвәрликни, яшларда милләтләрара разимәнлик чүшәнчилирини қелиплаштуриду. Бу кафедриларда «Толерантлиқниң вә җәмийәтлик разимәнликниң қазақстанлиқ модели», «Иҗтимаий мунасивәтләрдики толерантлиқниң асаслири» охшаш дәрисләр оқутулиду. Шуниңдин кейин сөз алған ҚХА кафедрилири ассоциациясиниң президенти Анатолий Башмаков вә Абай намидики миллий педагогика университетиниң ректори Такир Балықбаев Ассамблея кафедрисиниң — дөләтниң миллий сәяситини әмәлгә ашуруш, студентларни толерантлиқ роһта тәрбийиләш мәхситидә ечилғанлиғини алаһидә тәкитләшти. Мәрасим ахирида Қазақстан хәлқи Ассамблеяси вә Абай намидики миллий педагогика университети арисида һәмкарлиқ тоғрилиқ меморандумға қол қоюлди.

110 рет

көрсетілді

0

пікір
Алдыңғы мақала Йеңи қаидиләр қобул қилинди
Келесі мақала Биз көпийиватимиз

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

20 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы