• Сәнъәт
  • 07 Маусым, 2018

Дутар-тәмбүр челишни үгинимән десиңиз...

Хәлиқ нахша-сазлири билән көпчиликниң көңлидин чиқип келиватқан «Нур» топиниң әзаси Ринат Зерәков дутар-тәмбүр челишқа иштияқ бағлиғанларға дәсләп өйдә дәрис берип кәлгән еди. Униң бу соваплиқ ишидин хәвәр тапқан сахавәтлик оғланлиримизниң бири, тиҗарәтчи Билал Һошуров өзиниң шәхсий ширкити орунлашқан бенадин бөлмә аҗритип бериду. Узун сөзниң қисқиси, Ринатқа «Нур» студиясини ечишиға шараит яритиду.Ринатниң ейтишичә, мәзкүр студиядә һазир әлликкә йеқин адәм дутар-тәмбүр челишни үгиниветипту. Уларниң яш арилиғиму һәрхил болуп, сәккиз яшлиқ мәктәп оқуғучисидин тартип, йәтмишкә тақиған мөтивәрләрму бар екән. Ринат дутар билән тәмбүр челишқа қизиққучиларниң сани мунчивала көп болидиғанлиғини ойлапму бақмиған екән. Йошурушниң һаҗити йоқки, биздә П.Чайковский намидики музыкилиқ колледжидин сирт, мәхсус миллий саз әсваплирини челишни үгитидиған билим очиғи йоқ. Шуңлашқа паалийити күндин-күнгә җанлиниватқан «Нур» студиясиниң сәнъәткә қизиққучиларға тепилмас мүмкинчилик екәнлиги талашсиз. Буниңдин ташқири, бу йәрдә яш җәһәттин һечқандақ чәклиминиң йоқлуғи вә турмуш шараити төвән аилә пәрзәнтлиридин әһвалиға қарап, һәқ елинмайдекән. – Өзәңләрға мәлум болғинидәк, һазир яшлиримизниң көпчилиги заманға яриша «дараң-дуруң» музыкиға амрақ – дәйду Ринат биз болған сөһбәттә. – Һәқиқити шуки, улар муңлуқ, жүрәк тарини чекидиған миллий сазлиримиз иҗра қилинса, қуйқа чечи тик туриду. Хәлиқ нахшилирини, муқамларни алаһидә бәһирлиниш илкидә аңлаватқан чоңлардин өзлирини нери тутушқа тиришиду. Бу, мениңчә болса, тоғра әмәс. Чүнки биз әҗдатлиримиздин мирас қалған әйнә шу бебаһа байлиқлиримизни әвлатлар қәлбигә сиңдүрүшимиз керәк. Бизниң студияни ечиштики асасий мәхситимизму шу. Хошал қиларлиғи, аста-аста дутар-тәмбүрини көтирип «мени үгитип қоюңлара» дәп келиватқанларниң сани өсүватиду. Уларниң арисида, жуқурида тәкитлигинимдәк, гөдәкләр билән биллә, йеши йәткәнләрниң болушидин, һәқиқәтәнму биз, уйғурларниң, сәнъәтхумар хәлиқ екәнлигимизгә йәнә бир қетим көз йәткүздүм. Өзимизни махтиғинимиз әмәс, йеқинда Түркиядә паалийәт елип бериватқан бир уйғур телеканили бизни чүширип кәткән еди. У яқтики қериндашлиримиз бизниң ишимизға интайин жуқури баһа берип, рәхмитини ейтишиватиду. «Яхшини бир көрмәк әла» демәкчи, «Нур» студиясидә мәшиқлиниватқанларни көрүп, дәрисләрниң җиддий өтидиғанлиғиниң һәм өз кәспиниң маһири Ринат Зерәковниң шагиртлириға тәләпчанлиғиниң, һәрбир нотиға диққәт қилидиғанлиғиниң шаһиди болдуқ. Мүмкин, келәчәктә уларниң арисидин даңлиқ дутарчи яки тәмбүрчи чиқип қалса һәҗәп әмәс. Адиләм МӘСИМҖАН. Алмута шәһири.

242 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы